మానస రాధాకృష్ణన్ భారతీయ నటి, ఆమె ప్రధానంగా మలయాళ చిత్రాలలో నటిస్తుంది. 2022లో వచ్చిన మిస్టరీ క్రైమ్ థ్రిల్లర్ చలనచిత్రం హైవే (2022)తో ఆమె తెలుగు తెరకు పరిచయం అయింది. ఆమెను తిరిగి రామ్ గోపాల్ వర్మ.. వ్యూహం చిత్రంలో వైఎస్ భారతి పాత్రలో అవకాశం ఇచ్చాడు. ఈ పాత్ర ద్వారా ఆమె తెలుగు ప్రేక్షకులను మెప్పించింది. మలయాళంలో తియాన్(2017) చిత్రం ద్వారా సినిమాల్లోకి రంగప్రవేశం చేసింది. క్రాస్ రోడ్, కట్టు, సకల కళాశాల వంటి చిత్రాల ద్వారా మలయాళం ఇండస్ట్రీలో గుర్తింపు తెచ్చుకుంది.