నిఖిల్‌ మలియక్కల్‌ ప్రముఖ సీరియల్‌ నటుడు. కర్ణాటకలోని మైసూర్‌లో జన్మించాడు. తొలుత డ్యాన్సర్‌ కావాలని కలలు కన్నాడు. నటుడిగా అవకాశం రావడంతో కన్నడ సీరియల్‌ 'మనేయే మంత్రాలయ'తో కెరీర్‌ ప్రారంభించాడు. తెలుగు సీరియల్‌ 'గోరింటాకు'లో పార్థు పాత్రలో కనిపించి గుర్తింపు తెచ్చుకున్నాడు. 'అమ్మకు తెలియని కోయిలమ్మ', 'కలిసి ఉంటే కలదు సుఖం', 'అనుపల్లవి' సీరియల్స్‌లో మంచి పాత్రలు పోషించి పాపులర్ అయ్యాడు. పలు టెలివిజన్‌ షోస్‌లో కనిపించి మరింత గుర్తింపు తెచ్చుకున్నాడు. బిగ్‌బాస్‌ తెలుగు 8 సీజన్‌లో కంటెస్టెంట్‌గా వెళ్లి అందరి దృష్టిని ఆకర్షించాడు.