రాశి సింగ్ తెలుగు సినిమా నటి, మోడల్. చిన్నప్పటి నుంచి నటన పై ఆసక్తితో పలు హిందీ సీరియల్స్‌లో పాత్రలు చూసి వాటిని రోజూ అద్దం ముందు ప్రాక్టీస్‌ చేసేది. రాశి సింగ్ 14 ఏళ్లప్పుడు ఓ కమర్షియల్‌ యాడ్‌ అవకాశం వచ్చింది. అయినా వ్యక్తిగత కారణాల వల్ల ఇండిగో ఎయిర్‌లైన్స్‌లో ఎయిర్‌హోస్టెస్‌గా కెరీర్‌ని ప్రారంభించాల్సి వచ్చింది. ఆ తరువాత ఉద్యోగరీత్యా హైదరాబాదులో ఉన్న ఆమె చిత్రపరిశ్రమలో అడుగుపెట్టింది. రాశీ 2019లో జెమ్ అనే తెలుగు సినిమాతో తెరంగేట్రం చేసింది. ఆ తరువాత పోస్టర్(2021), శశి (2021) చిత్రాల్లో నటించినప్పటికీ గుర్తుంపు రాలేదు. ఆ తర్వాత భూతద్దం భాస్కర్‌ నారాయణ, పాపం పసివాడు వంటి చిత్రాల్లో నటించి గుర్తుంపు సంపాదించింది.