రఘు కుంచే ప్రముఖ సంగీత దర్శకుడు, గాయకుడు, నటుడు. 'బాచి' (2000) సినిమాతో సింగర్‌గా తన కెరీర్‌ను ప్రారంభించారు. తెలుగులో 1000 పైగా పాటలు పాడారు. పూరి జగన్నాథ్‌ డైరెక్షన్‌లో వచ్చిన 'బంపరాఫర్‌' (2009) సినిమాతో మ్యూజిక్‌ డైరెక్టర్‌గా మారారు. 16 చిత్రాలకు సంగీతం సమకూర్చారు. అటు నటుడిగా ‘బాచి’, ‘హోలీ’, ‘ఆంధ్రావాలా’, ‘పలాస 1978’, ‘మా నాన్న నక్సలైట్‌’, ‘హిడింబ’, ‘కృష్ణమ్మ’, ‘ఆపరేషన్‌ రావన్‌’ వంటి చిత్రాల్లో కీలక పాత్రలు పోషించారు. వీటితోపాటు దేశ విదేశాల్లో కొన్ని వందల స్టేజీ షోలు చేశారు. ప్రైవేటుగా వీడియో ఆల్బమ్స్‌ విడుదల చేశారు. ఉమ్మడి ఆంధ్రప్రదేశ్‌ ప్రభుత్వం నుంచి ఐదు సార్లు ఐదు వేర్వేరు విభాగాలలో నంది అవార్డులను అందుకున్నారు.