రజినీకాంత్‌గా ప్రసిద్ధి చెందిన శివాజీ రావు గైక్వాడ్ తమిళ సినిమాల్లో పనిచేస్తుంటారు. 50 ఏళ్ల సుధీర్ఘ కెరీర్‌లో 160కు పైగా సినిమాలను చేశారు. తెలుగు, తమిళం, మళయాలం, కన్నడ, హిందీ, బెంగాళీ భాషల్లో రజినీకాంత్ పలు సినిమాలు చేశారు. భారతీయ సినీ చరిత్రలో విజయవంతమైన నటుడిగా గుర్తింపు పొందారు. విచిత్రమైన స్టైల్‌తో, డైలాగులకు రజినీకాంత్ కేరాఫ్‌గా నిలిచారు. దేశ వ్యాప్తంగా రజినీకాంత్‌కి అశేష అభిమానులు, వీరాభిమానులు ఉన్నారు. రజినీ సేవలకు గుర్తుగా కేంద్ర ప్రభుత్వం 2000 సంవత్సరంలో పద్మభూషణ్, 2016లో పద్మవిభూషణ్ అవార్డులతో సత్కరించింది. భారతీయ సినిమాలో ప్రతిష్ఠాత్మక పురస్కారమైన దాదా సాహెబ్ ఫాల్కే అవార్డును సైతం 2019లో పొందారు.