రేణూ దేశాయ్ టాలీవుడ్ నటి, మోడల్, కాస్ట్యూం డిజైనర్. 2000లో పార్థిబన్ హీరోగా తమిళంలో తెరకెక్కిన జేమ్స్ పాండు చిత్రం ద్వారా ఆమె సినిమా రంగ ప్రవేశం చేసింది. అదే సంవత్సరం పూరి జగన్నాథ్ దర్శకత్వంలో రూపొందిన బద్రి చిత్రంలో పవన్ కళ్యాణ్ సరసన నటించింది. ఈ సినిమా సమయంలో పవన్ కళ్యాణ్‌తో ప్రేమలో పడింది. కొన్నాళ్లపాటు ఈ జంట సహజీవనం చేసింది. 2004లో వీరిద్దరికి పెళ్ళి కాకముందే అబ్బాయి అకీరా నందన్ పుట్టాడు.2009 జనవరి 28న వీరిద్దరూ పెళ్ళి చేసుకున్నారు. ఆ తరువాత వారికి కూతురు ఆద్య పుట్టింది. వారు 2011లో విడాకుల కొరకు కోర్టులో కేసు ఫైల్ చేయగా 2012లో వారికి విడాకులు మంజూరైనవి.