రిచా పనాయ్‌ దక్షిణ సినీ పరిశ్రమకు చెందిన నటి. యూపీలోని లక్నోలో పుట్టి పెరిగింది. ఇంటర్‌ పూర్తైన వెంటనే మిస్‌ లక్నో టైటిల్‌ గెలుచుకొని మోడల్‌గా మారింది. 2011లో మలయాళ చిత్రం 'వాడమల్లి' ద్వారా సినీ రంగ ప్రవేశం చేసింది. 'యముడికి మొగుడు' (2012) సినిమాతో తొలిసారి తెలుగు ఆడియన్స్‌ను పలకరించింది. తర్వాత 'మనసును మాయ సేయకే', 'చందమామ కథలు', 'లవ కుశ', 'ఈడు గోల్డ్ ఎహె' తదితర చిత్రాలతో తెలుగులో గుర్తింపు సంపాదించింది. దక్షిణాది భాషల్లో 15 చిత్రాల్లో రిచా పనాయ్‌ నటించింది.