"ఎస్.జె.సూర్య ప్రముఖ సినీ దర్శకుడు, నటుడు, సంగీత దర్శకుడు, గాయకుడు, పాటల రచయిత. ఆయన ప్రధానంగా తమిళ్, హిందీ, తెలుగు చిత్రాల్లో పనిచేశాడు. ఆయన అసలు పేరు జస్టిన్ సెల్వరాజ్ పాండియన్. 1999లో వాలితో డైరెక్టర్‌గా ఆరంగేట్రం చేశాడు. తొలి చిత్రమే బ్లాక్ బాస్టర్ హిట్ కావడంతో స్టార్ డైరెక్టర్‌గా మారాడు. ఆ తర్వాత ఖుషి(2000) సినిమా అతని కెరీర్‌లో అతి పెద్ద విజయాన్ని నమోదు చేసింది. ఈ సినిమాను సూర్య తెలుగు, హిందీ భాషల్లో రీమేక్ చేశారు. అక్కడ కూడా బ్లాక్ బాస్టర్ విజయాన్ని నమోదు చేసింది. ప్రస్తుతం డైరెక్షన్‌కు దూరంగా ఉన్న సూర్య ప్రతినాయకుడి పాత్రల్లో తమిళ్, తెలుగు భాషల్లో అలరిస్తున్నాడు.