తెలుగులో కుటుంబ కథాచిత్రాలకు, హాస్య చిత్రాలకు కెరాఫ్ అడ్రస్‌గా ఎస్వీ కృష్ణారెడ్డి గుర్తింపు పొందారు. ఆయన బహుముఖ ప్రజ్ఞాశాలి. దర్శకుడిగా, నిర్మాతగా, నటుడిగా, సంగీత దర్శకుడిగా సేవలందించారు. కె. అచ్చిరెడ్డితో కలిసి ఆయన రూపొందించిన పలు చిత్రాలు విజయవంతమయ్యాయి. హీరో కావాలని వచ్చి దర్శకుడిగా మారిన కృష్ణా రెడ్డి.. 'కొబ్బరి బొండం(1991) చిత్రం ద్వారా డైరెక్టర్‌గా పరిచయం అయ్యారు. ఆ తర్వాత 'మాయలోడు', శుభలగ్నం, రాజేంద్రుడు గజేంద్రుడు, యమలీల, నంబర్ వన్, ఘటోత్కచుడు, ఆహ్వానం, పెళ్లిపీటలు, వినోదం, ఎగిరే పావురమా, ప్రేమకు వేళాయెరా, అతడే ఒక సైన్యం వంటి హిట్ చిత్రాలను డైరెక్ట్ చేశారు. అలీ హీరోగా అరంగేట్రం చేసిన యమలీల చిత్రం భారీ విజయాన్ని సాధించింది. కామెడీ, కుటుంబ భావోద్వేగాలతో కూడిన SV కృష్ణా రెడ్డి శైలి చిత్రాల శకానికి నాంది పలికింది. సకుటుంబ సపరివార సమేతం, ఆహ్వానం చిత్రాలకు గాను ఉత్తమ దర్శకుడిగా నంది అవార్డులు అందుకున్నాడు. శుభలగ్నం చిత్రానికి గాను ఫిలింఫేర్ సౌత్ అవార్డు పొందాడు.