తెలుగు ప్రేక్షకుల హృదయాల్లో ఊర్వశి శారదగా గుర్తింపు పొందిన తాడిపర్తి శారద.. భారతీయ నటి. ఆమె ప్రధానంగా తెలుగు, మలయాళం సినిమాల్లో నటించింది. కన్యాశుల్కం(1955) చిత్రం ద్వారా బాలనటిగా వెండితెరకు పరిచయమైంది. తెలుగులో అలనాటి అగ్ర హీరోలందరితోను నటించింది. ఆ తర్వాత సహాయ పాత్రల్లోనూ మెప్పించింది. తొడి కోడళ్లు చిత్ర విజయం ఈమె కెరీర్‌ బ్రేక్ పాయింట్‌గా చెప్పవచ్చు. తెలుగులో 100కు పైగా చిత్రాల్లో నటించారు. తులాభారం(1968), స్వయంవరం(1972), నిమజ్జనం(1976), జస్టిస్ చౌదరి, అమ్మ రాజీనామా, మేజర్ చంద్రకాంత్, అత్తాకోడళ్లు, అనసూయమ్మగారి అల్లుడు, యోగి వంటి చిత్రాల్లో నటించారు.