తెలుగు ప్రేక్షకుల హృదయాల్లో మహనటిగా నిలిచిపోయిన సావిత్రి ప్రధానంగా తెలుగు, తమిళ చిత్రాల్లో ప్రఖ్యాతి చెందారు. కేవలం కళ్లతోనే వేయి భావాలు పలకించగల నటనా సామర్థ్యం ఆమె సొంతం. సినిమాల్లోకి వచ్చిన తొలినాళ్లలో సావిత్రి చిన్న చిన్న పాత్రల్లో నటించారు. పెళ్లి చేసి చూడు(1950) చిత్రం ద్వారా గుర్తింపు పొందారు. సావిత్రి కెరీర్‌కు బ్రేక్ ఇచ్చిన చిత్రం దేవదాసు(1953). ఈ సినిమా సూపర్ హిట్ కావడంతో తెలుగులో ఆమెకు అవకాశాలు పొటెత్తాయి. "మాయాబజార్" (1957), "మిస్సమ్మ" (1955), "అర్ధాంగి" (1955), "తోడి కోడళ్ళు" (1957)" , "పాశమలర్" (1961), గుండమ్మకథ(1962), రక్త సంబంధం, మూగమనసులు, పాండవవనమాసం, కన్యాశుల్కం, చివరకు మిగిలేది, ఆరాధన, మరోప్రపంచం, వంటి సూపర్ హిట్ చిత్రాల్లో నటించి దాదాపు రెండు దశాబ్దాలకు పైగా అగ్ర హీరోయిన్‌గా వెలుగొందింది. ఈ చిత్రాలన్నీ అఖండ విజయాన్ని సాధించాయి.