సింగీతం శ్రీనివాసరావు తెలుగులో ప్రయోగాత్మక డైరెక్టర్లలో ఒకరు. తెలుగు, తమిళం, కన్నడ భాషల్లో ఎన్నో సందేశాత్మక చిత్రాలను అందించి ప్రేక్షకుల హృదయాల్లో చెరగని ముద్రవేశారు. నీతి నిజాయితీ(1972) సినిమా ఆయన దర్శకత్వంలో వచ్చిన తొలి చిత్రం. మయూరి, పుష్పక విమానం, ఆదిత్య 369, మైఖేల్ మదన్ కామరాజు, మేడమ్, అపూర్వ సోదరులు, అమవాస్య చంద్రుడు, భైరవ ద్వీపం వంటి వైవిధ్యభరితమైన సినిమాలను ప్రేక్షకులకు అందించారు. తెలుగులో తొలి సైన్స్ ఫిక్షన్ చిత్రం ఆదిత్య 369 ఈయన డైరెక్ట్ చేసిందే. తొలితరం దిగ్గజ దర్శకుడు కెవి రెడ్డి దగ్గర ఆయన శిష్యరికం చేశాడు. సాక్షి ఎక్సలెన్సీ అవార్డుల్లో ఆయన జీవిత సాఫల్య పురస్కారం లభించింది.