ఆంధ్రుల అందాల నటుడిగా పేరొందిన శోభన్‌ బాబు.. దైవబలం(1959) చిత్రం ద్వారా తెరంగేట్రం చేశారు. ఫ్యామిలీ చిత్రాల స్టార్‌గా ఆయన గుర్తింపు పొందారు. 1965లో "వీరాభిమన్యు" చిత్రంతో తొలి విజయం అందుకున్నారు. కెరీర్ ప్రారంభంలో చిన్న చిన్న పాత్రలు పోషించారు. శోభన్ బాబు దాదాపు 200 చిత్రాల్లో నటించారు. తన నట జీవితంలో ప్రేమ కథ, ఫ్యామిలీ చిత్రాలతో లేడీ ఫ్యాన్స్ ఫాలోయింగ్‌ను పెద్దసంఖ్యలో సంపాదించుకున్నారు. లోగుట్టు పెరుమాళ్లకెరుక, పొట్టి ప్లీడరు, మనుషులు మారాలి, చెల్లెలి కాపురం, ధర్మపీఠం దద్దరిల్లింది, సోగ్గాడు, సంపూర్ణ రామాయణం, దేవత, గోరింటాకు, బాలరామకృష్ణులు, భార్యమణి, ఏవండి ఆవిడ వచ్చింది, ఆస్తిమూరెడు ఆశబారెడు వంటి సూపర్ హిట్ చిత్రాల్లో నటించారు.