శ్రీ గౌరి ప్రియరెడ్డి యంగ్ టాలీవుడ్ నటి. 2021లో మెయిల్ వెబ్ సిరీస్ ద్వారా తెలుగు తెరకు పరిచయమైంది. రైటర్ పద్మభూషణ్, మ్యాడ్ సినిమాల్లో నటనకుగాను మంచి గుర్తింపు తెచ్చుకుంది. గౌరి ప్రియ హైదరాబాద్‌లో శ్రీనివాస్‌ రెడ్డి, వసుంధర దంపతులకు జన్మించింది. బేగంపేటలోని సెంట్ ఫ్రాన్సిస్ ఉమెన్స్ కాలేజీలో మేనేజ్మెంట్‌లో డిగ్రీ చేసింది. సినిమాల్లోకి రాకముందు కొంతకాలం జెమినీ టీవీలో యాంకర్‌గా పనిచేసింది. నిర్మలా కాన్వెంట్, మనలో ఒకడు, ఫిదా చిత్రాల్లో చిన్న చిన్న పాత్రల్లో కనిపించింది. 2018లో మిస్ హైదరాబాద్ టైటిల్ గెలవడం ద్వారా ఒక్కసారిగా అందరి దృష్టిని ఆకర్షించింది.