సునీల్ ప్రముఖ తెలుగు సినిమా నటుడు. తొలుత హస్య పాత్రల్లో నటించి తర్వాత హీరోగా మారాడు. ప్రస్తుతం క్యారెక్టర్ ఆర్టిస్ట్గా సినిమాల్లో రాణిస్తున్నాడు. సునిల్ నువ్వేకావాలి చిత్రం ద్వారా హస్య నటుడిగా తెలుగు తెరకు పరిచయం అయ్యాడు. ఆ చిత్రం సూపర్ హిట్ కావడంతో ఆయనకు అవకాశాలు వెల్లువెత్తాయి. సుమారు 200కి పైచిలుకు చిత్రాల్లో నటించాడు. హాస్యనటుడిగా నువ్వు నేను, నువ్వు నాకు నచ్చావ్, నువ్వే నువ్వే, సొంతం, మనసంతా నువ్వే, ఢీ, రెడీ, అతడు, ఆంధ్రుడు చిత్రాలు అతనికి మంచి గుర్తింపు సాధించి పెట్టాయి. అందాల రాముడు చిత్రం సునిల్కు హీరోగా మొదటి సినిమా. ఆతర్వాత రాజమౌళి దర్శకత్వంలో వచ్చిన మర్యాదరామన్న(2010) మంచి ప్రజాదరణ పొందింది. ఈ చిత్రం తర్వాత 10 ఏళ్లపాటు హీరోగా చాలా సినిమాలు చేసినప్పటికీ కమర్షియల్ బ్రేక్ రాలేదు. దీంతో సునిల్ తన పంథాను మార్చుకుని క్యారెక్టర్ ఆర్టిస్ట్గా మారాడు. ఎక్కువగా నెగిటివ్ రోల్స్లో అలరిస్తున్నాడు. కలర్ ఫొటో, పుష్ప, మార్క్ ఆంటోని, జపాన్ వంటి హిట్ చిత్రాల్లో నెగెటివ్ షేడ్స్లో నటించి ప్రేక్షకులకు తనలోని కొత్త కోణాన్ని పరిచయం చేశాడు.Read More