తేజ సజ్జ ప్రముఖ తెలుగు సినిమా నటుడు. జాంబిరెడ్డి చిత్రం ద్వారా తెలుగు తెరకు హీరోగా పరిచయం అయ్యాడు. అయితే తేజ, హీరోగా కంటే ముందు బాల నటుడిగా మంచి గుర్తింపు సంపాదించాడు. 1998లో చూడాలని ఉంది చిత్రం ద్వారా బాల నటుడిగా సినీరంగానికి పరిచయమయ్యాడు. ఆ తర్వాత వరుసగా రాజకుమారుడు, బాచి, ఇంద్ర, గంగోత్రి, వసంతం, ఠాగూర్, సాంబ, బాలు, శ్రీ రామదాసు వంటి హిట్ చిత్రాల్లో బాల నటుడిగా మెప్పించాడు. ఆ తర్వాత కొన్నేళ్లపాటు సినిమాలకు విరామం ఇచ్చిన తేజ 'ఓ బేబీ' సినిమాతో క్యారెక్టర్‌ ఆర్టిస్ట్‌గా రీ-ఎంట్రీ ఇచ్చాడు. 2021లో వచ్చిన జాంబీ రెడ్డి సూపర్ హిట్ కావడంతో ప్రేక్షకులకు దగ్గరయ్యాడు. ఇక పాన్ ఇండియా రేంజ్‌లో వచ్చిన హనుమాన్ చిత్రం సైతం సూపర్ హిట్ కావడంతో తేజ స్టార్ డం సంపాదించాడు.