విష్ణుప్రియ భీమినేని తెలుగు ఇండస్ట్రీకి చెందిన ప్రముఖ యాంకర్‌, నటి. 1986 ఫిబ్రవరి 22న హైదరాబాద్‌లో జన్మించింది. ఆమె తల్లిదండ్రులది ఏపీలోని ప్రకాశం జిల్లా. ఈటీవీ పాపులర్‌ షో 'పోవే పోరా'లో సుడిగాలి సుధీర్‌తో కలిసి కో యాంకర్‌గా చేసి అందరి దృష్టిని ఆకర్షించింది. ఆపై పలు టెలివిజన్‌ షోలలో కనిపించి పాపులర్‌ అయ్యింది. 'చెక్‌మేట్‌' (2021) సినిమాలో చాలా బోల్డ్‌గా నటించి అందర్నీ ఆశ్చర్య పరిచింది. జేడీ చక్రవర్తి నటించిన ‘దయా’ (2023) వెబ్‌ సిరీస్‌లోనూ కీలక పాత్ర పోషించింది. నటుడు మానస్‌తో చేసిన ప్రైవేటు సాంగ్స్‌ విష్ణు ప్రియకు మంచి ఫేమ్‌ తీసుకొచ్చాయి. అటు సోషల్‌ మీడియాలోనూ హాట్‌ ఫోటోలను షేర్‌ చేస్తూ ఆమె మంచి ఫాలోయింగ్‌ సంపాదించింది. తాజాగా బిగ్‌బాస్‌ తెలుగు సీజన్‌ 8లో కంటెస్టెంట్‌గా అడుగుపెట్టి విష్ణు అందరి దృష్టిని ఆకర్షించింది.