ఆది సాయికుమార్ తెలుగు సినిమా నటుడు. ప్రముఖ నటుడు సాయి కుమార్ కుమారుడు. 2011 లో కె. విజయభాస్కర్ డైరెక్షన్‌లో వచ్చిన 'ప్రేమ కావాలి' చిత్రం ద్వారా ఆరంగేట్రం చేశాడు. ఈ సినిమా విమర్శకుల నుంచి మంచి ప్రశంసలు పొందడంతో ఆది యువనటుడిగా మంచి పేరు సంపాదించాడు. 2011లో దక్షిణాది ఫిలిం ఫేర్ అవార్డుల్లో ఉత్తమ నూతన నటుడిగా పురస్కారం అందుకున్నాడు. ఈ చిత్రం తర్వాత లవ్‌లీ (2012)సినిమాలో నటించాడు. ఈ చిత్రం బాక్సాఫీస్ వద్ద మంచి విజయం సాధించింది. ఆ తర్వాత సుకుమారుడు, చుట్టాలబ్బాయి, బుర్రకథ, శమంతకమణి వంటి హిట్ చిత్రాల్లో నటించి ప్రేక్షకులకు దగ్గరయ్యాడు. వ్యక్తిగత జీవితం: ఆది సినిమాల్లోకి రాకముందు ప్రొఫెషనల్ స్థాయిలో క్రికెట్ ఆడేవాడు. 'మా' సంస్థ నిర్వహించిన టోర్నీలో ఆది పాల్గొన్నాడు. ఆది తన మరదలు అరుణను 2014 డిసెంబర్ 13న పెళ్లి చేసుకున్నాడు. మొదటి చిత్రం ప్రేమ కావాలి సినిమాకు గాను ఉత్తమ తొలి చిత్ర నటుడిగా ఫిల్మ్‌ఫేర్ అవార్డుతో పాటు సైమా అవార్డును కూడా పొందాడు.