అఖిల్ అక్కినేని, నాగార్జున నటవారసుడిగా ఏడాది వయసులోనే సిసింద్రీ(1995) చిత్రం ద్వారా తెలుగు తెరకు పరిచయం అయ్యాడు. ఆ తర్వాత అఖిల్ బాల నటుడిగా మరేతర చిత్రంలో కనిపించలేదు. అఖిల్ సినిమాల్లోకి రాకముందు ప్రోఫెషనల్‌ స్థాయిలో క్రికెట్ ఆడేవాడు. క్రికెట్‌లో అఖిల్‌కు మంచి ప్రావీణ్యం ఉంది. 'మా' సంస్థ నిధుల సేకరణ కోసం నిర్వహించిన క్రికెట్ టోర్ని(2010)లో వెంకీ వారియర్స్ టీంపై అర్ధ సెంచరీ చేశాడు. ఆ టోర్నిలో మ్యాన్‌ ఆఫ్‌ ది మ్యాచ్, మ్యాన్‌ ఆఫ్‌ ది సిరీస్ గెలిచాడు. నట ప్రస్థానం: 2014లో 'మనం' సినిమాలో చివరి సన్నివేశంలో కెమియో రోల్‌లో కనిపించాడు. ఆ తర్వాత వి.వి. వినాయక్ డైరెక్షన్‌లో వచ్చిన అఖిల్(2015) సినిమా ద్వారా హీరోగా పరిచయం అయ్యాడు. ఈ చిత్రం బాక్సాఫీస్ వద్ద పరాజయం పాలైనప్పటికీ అఖిల్ నటనకు విమర్శకుల ప్రశంసలు దక్కాయి. ఇక బొమ్మరిల్లు భాస్కర్ డైరెక్షన్‌లో వచ్చిన మోస్ట్ ఎలిజిబుల్ బ్యాచ్‌లర్(2021) చిత్రం బాక్సాఫీస్ వద్ద మంచి విజయం సాధించింది. ఈ సినిమా తర్వాత భారీ బడ్జెట్‌తో నిర్మాణమైన ఏజెంట్ సినిమా బాక్సాఫీస్ వద్ద పరాజయం పాలైంది. అవార్ఢులు: అఖిల్ తన తొలి చిత్రం అఖిల్ సినిమాకు గాను 2015లో ఉత్తమ తొలి చిత్ర నటుడిగా అవార్డు దక్కించుకున్నాడు.