అల్లరి నరేష్ ప్రముఖ డైరెక్టర్ దివంగత ఇ వి వి సత్యనారాయణ రెండవ కుమారుడు. రవి బాబు డైరెక్షన్‌లో వచ్చిన 'అల్లరి' సినిమాతో సినీరంగప్రవేశం చేశాడు. ఈ సినిమా హిట్ కావడంతో "అల్లరి" పేరునే తన ఇంటిపేరుగా స్థిరపడిపోయింది. అల్లరి నరేష్ కెరీర్‌లో ఎక్కువగా కామెడీ చిత్రాల్లోనే నటించాడు. ఈతరం రాజేంద్ర ప్రసాద్‌గా గుర్తింపు పొందాడు. ప్రస్తుతం యాక్షన్ సినిమాలకు ప్రాధాన్యం ఇస్తున్నాడు. తెలుగులో 50కి పైగా చిత్రాల్లో నటించాడు. గమ్యం చిత్రంలో గాలి శీను, శంభో శివ శంభో సినిమాలో మల్లి పాత్ర నరేష్ నటనా ప్రతిభకు మచ్చుతునకలు. జూనియర్స్, నేను, డేంజర్, కితకితలు, సీమశాస్త్రి, బెండు అప్పారావు R.M.P., బ్లేడ్ బాబ్జీ, మహర్షి, లడ్డుబాబు, నాంది, ఇట్లు మారేడుపల్లి ప్రజానీకం, నా సామి రంగ వంటి చిత్రాలతో స్టార్ డం సంపాదించాడు. తన విలక్షణ నటుడిగా గుర్తింపు పొందాడు. వ్యక్తిగత జీవితం: అల్లరి నరేష్ చెన్నైకి చెందిన విరూపతో 2015 మే 29న వివాహం జరిగింది. నరేష్ సోదరుడు ఆర్యన్ రాజేష్ కూడా హీరోగా కొన్ని చిత్రాల్లో నటించాడు. ప్రస్తుతం నటనకు దూరంగా వ్యాపారాలు చూసుకుంటున్నాడు. 2015 మే29 శుక్రవారం నాడు హైదరాబాదు ఎన్ కన్వెషన్ సెంటర్ లో ఇతని వివాహము చెన్నైకి చెందిన విరూపతో జరిగింది అవార్డులు: అల్లరి నరేష్ తన విలక్షణ నటనకు గాను ఎన్నో అవార్డులు అందుకున్నాడు. గమ్యం చిత్రానికి గాను ఉత్తమ సహాయ నటుడిగా ఫిల్మ్‌ఫేర్ అవార్డు పొందాడు. మహర్షి చిత్రానికి గాను ఉత్తమ సహాయ నటుడిగా సైమా పురస్కారం అందుకున్నాడు.