తెలుగు సినిమా దిగ్గజ నటుల్లో కృష్ణం రాజు ఒకరు. చిలక గోరింక(1966) చిత్రం ద్వారా తెలుగు తెరకు హీరోగా పరిచయం అయ్యారు. ఈ సినిమా పెద్ద హిట్ కావడంతో ఆయనకు అవకాశాలు వెల్లువెత్తాయి. శ్రీకృష్ణ అవతారం కృష్ణంరాజు నటించిన నేనంటే నేను సినిమాలో విలన్‌గా నటించారు. కటకటాల రుద్రయ్య, బొబ్బిలి బ్రహ్మన్న, రంగూన్ రౌడీ, శ్రీ వినాయక విజయము, గోల్కొండ అబ్బులు, బావా బావమర్ది, పల్నాటి పౌరుషం, నిప్పుతో చెలగాటం వంటి హిట్ చిత్రాల్లో నటించారు. దాదాపు 180కి పైగా సినిమాల్లో విలక్షణ పాత్రల్లో నటించి ప్రేక్షకుల హృదయాల్లో రెబల్ స్టార్‌గా గుర్తింపు పొందారు. అవార్డులు: కృష్ణం రాజు తన అద్భుతమైన నటనకు గాను ఎన్నో అవార్డులను అందుకున్నారు. ఉత్తమ నటుడిగా 5 నంది అవార్డులు, 3 ఫిల్మ్‌ఫేర్ అవార్డులు పొందారు. కుటుంబం: ప్రముఖ నటుడు ప్రభాస్.. కృష్ణంరాజు తమ్ముడు ఉప్పలపాటి సూర్యనారాయణరాజు కుమారుడు. తెలుగునాట క్షత్రియ రాజుల వంశస్థులు విజయనగర సామ్రాజ్యం వారసులు కృష్ణంరాజు. కృష్ణంరాజుకు జీవితభాగస్వామి శ్యామలాదేవి. 1996లో వీరి వివాహం జరిగింది. వీరికి ప్రసీద, ప్రకీర్తి, ప్రదీప్తి ముగ్గురు కుమార్తెలు రాజకీయాలు: కృష్ణంరాజు 1998 ఎన్నికల్లో బీజేపీ తరఫున కాకినాడ లోక్‌సభ నియోజకవర్గం నుండి విజయం సాధించి కేంద్ర మంత్రిగా పనిచేశారు.