లావణ్య త్రిపాఠి తెలుగు సినిమా నటి. అందాల రాక్షసి(2012) చిత్రం ద్వారా తెరంగేట్రం చేసింది. ఈ చిత్రంలో ఆమె నటనకు విమర్శకుల ప్రశంసలు దక్కాయి. భలే భలే మగాడివోయ్, సోగ్గాడే చిన్నినాయనా చిత్రాలు సూపర్ హిట్‌ కావడంతో ఆమె కెరీర్‌కు మంచి బ్రేక్‌ దొరికింది. రాధ, మిస్టర్, ఉన్నది ఒక్కటే జిందగీ, అంతరిక్షం, అర్జున్ సురవరం వంటి హిట్ చిత్రాల ద్వారా తెలుగు ప్రేక్షకులకు దగ్గరైంది. వ్యక్తిగత జీవితం: మిస్టర్ సినిమా షూటింగ్ సమయంలో లావణ్య త్రిపాఠి, మెగా ప్రిన్స్ వరుణ్‌ తేజ్ ప్రేమలో పడ్డారు. దాదాపు ఆరేళ్లపాటు ప్రేమించుకున్నారు. పెద్దల అంగీకారంతో 2023 నవంబర్ 1న ఇటలీలో వీరి వివాహం జరిగింది.