నందమూరి కళ్యాణ్ రామ్ ప్రముఖ తెలుగు సినిమా నటుడు. నందమూరి హరికృష్ణ పెద్ద కుమారుడు. లెజండరీ యాక్టర్ ఎన్‌టీఆర్ మనవడు. కళ్యాణ్ సినిమాల్లో నటించడమే కాకుండా NTR ఆర్ట్స్ పతాకంపై పలు చిత్రాలను నిర్మించాడు. నట ప్రస్థానం: కళ్యాణ్ రామ్ తన బాబాయి బాలకృష్ణ నటించిన బాలగోపాలుడు చిత్రంలో తొలిసారి వెండితెరపై కనిపించాడు. ఆ తర్వాత తొలిచూపులోనే(2003) సినిమా ద్వారా హీరోగా పరిచయం అయ్యాడు. అతనొక్కడే(2005) చిత్రం తొలిసారి కళ్యాణ్‌రామ్‌కు కమర్షియల్ సక్సెస్ అందించింది. ఆ తర్వాత వచ్చిన చిత్రాలు వరుసగా ఫ్లాప్ అయ్యాయి. పటాస్(2013) చిత్రం విజయంతో మళ్లీ సక్సెస్ బాటా పట్టాడు. బింబిసారా(2022) సినిమా కళ్యాణ్ రామ్‌ కెరీర్‌లోనే అత్యధిక వసూళ్లు సాధించిన చిత్రంగా నిలిచింది. స్టార్ డం అందించింది. జయాపజయాలతో సంబంధం లేకుంజా విభిన్నమైన పాత్రలు చేయడంలో కళ్యాణ్ రామ్ ధిట్ట. ఈ లక్షణమే ఆయన్ను ప్రేక్షకులకు చేరువ చేసింది. వ్యక్తిగత జీవితం: రామ్ హైదరాబాద్‌లోని సెయింట్ పాల్స్‌, విజయవాడలోని KCP సిద్దార్ధ ఆదర్శ రెసిడెన్షియల్ స్కూల్‌లో చదువుకున్నాడు. కోయంబత్తూరులో ఇంజనీరింగ్ డిగ్రీని పొందాడు. చికాగోలోని ఇల్లినాయిస్ ఇన్స్టిట్యూట్ ఆఫ్ టెక్నాలజీలో మాస్టర్స్ పూర్తి చేశాడు. NTR కుటుంబంలో మాస్టర్స్ డిగ్రీ చదివిన ఏకైక వ్యక్తి కళ్యాణ్ రామ్. ఆయన వివాహం 2006లో స్వాతితో జరిగింది. ఈ జంటకు ఇద్దరు సంతానం.