నిఖిల్ సిద్దార్థ ప్రముఖ తెలుగు సినిమా నటుడు. హ్యాపీ డేస్ చిత్రంతో తెరంగేట్రం చేశాడు. ఈ చిత్రంలో నలుగురు స్నేహితుల్లో ఒకడిగా కనిపించాడు. ఈ చిత్రం సూపర్ హిట్ కావడంతో నిఖిల్ గుర్తింపు పొందాడు. ‘యువత’, ‘వీడు తేడా’ వంటి చిత్రాల్లో హీరోగా నటించినప్పటికీ కమర్షియల్ బ్రేక్ రాలేదు. కార్తికేయ(2014) చిత్రంతో కమర్షియల్‌గా సక్సెస్ అందుకున్నాడు. ఆ తర్వాత సూర్య వర్సెస్ సూర్య, శంకరాభరణం, కిరాక్ పార్టీ, కార్తికేయ 2, 18 పేజెస్ వంటి హిట్ చిత్రాలతో స్టార్ డం సంపాదించాడు. కార్తికేయ 2 చిత్రం నిఖిల్‌ కెరీర్‌లో బిగ్గెస్ట్ హిట్‌గా నిలిచింది. ఈ చిత్రం విడుదలైన అన్ని భాషల్లో విజయం సాధించింది. ఈ సినిమా ద్వారా నిఖిల్‌కు జాతీయ స్థాయిలో గుర్తింపు లభించింది. వ్యక్తిగత జీవితం: నిఖిల్ పుట్టి పెరిగింది హైదరాబాద్‌లోనే. హైదరబాద్ పబ్లిక్ స్కూల్లో ప్రాథమిక విద్యను పూర్తి చేశాడు. స్కూల్లో తనకు తానుగా "బేగంపేట బోయ్"గా చెప్పుకునేది అని ఓ ఇంటర్య్యూలో నిఖిల్ చెప్పుకొచ్చాడు. ముఫాఖం ఝా కాలేజ్ ఆఫ్ ఇంజనీరింగ్ అండ్ టెక్నాలజీలో ఇంజనీరింగ్ పూర్తి చేశాడు.