రానా దగ్గుబాటి ప్రముఖ తెలుగు సినిమా నటుడు. ఆయన శేఖర్ కమ్ముల డైరెక్షన్‌లో వచ్చిన లీడర్‌(2010) సినిమా ద్వారా తెలుగు తెరకు పరిచయం అయ్యాడు. ఆ చిత్రం బాక్సాఫీస్ వద్ద మంచి విజయం సాధించింది. రానా నటనకు విమర్శకుల ప్రశంసలు దక్కాయి. నటప్రస్థానం: స్టార్ డైరెక్టర్ ఎస్.ఎస్. రాజమౌళి డైరెక్షన్‌లో వచ్చిన బాహుబలి(2015-17) సిరీస్‌లో విలన్‌ పాత్ర చేసి గుర్తింపు పొందాడు. ఆ చిత్రంలో ఆయన చేసిన భల్లాలదేవ పాత్రకు ప్రపంచవ్యాప్తంగా గుర్తింపు లభించింది. ఈ చిత్రం భారత చలనచిత్ర పరిశ్రమలో అత్యధిక వసూళ్లు సాధించిన చిత్రంగా చరిత్ర సృష్టించింది. ఆ తర్వాత నేనే రాజు నేనే మంత్రి(2017) చిత్రం బ్లాక్ బాస్టర్ హిట్‌తో అగ్రహీరోల సరసన చేరిపోయాడు. అరణ్య(2021), విరాటపర్వం(2022) వంటి హిట్ చిత్రాల్లో నటించాడు. రానా తెలుగులో మాత్రమే కాకుండా హిందీ, తమిళ్ చిత్రాల్లోనూ మంచి గుర్తింపు తెచ్చుకున్నాడు. దం మారో దం(2011)యే జవానీ హై దీవానీ(2013), ఘాజీ(2017), వెల్కమ్ టూ న్యూ యార్క్(2018), హౌస్ ఫుల్ 4(2019) వంటి చిత్రాల్లో కీలక పాత్రల్లో నటించాడు. వ్యక్తిగత జీవితం: రానా దగ్గుబాటి, తెలుగు సినీ నిర్మాత దగ్గుబాటి సురేష్ బాబు , దగ్గుబాటి లక్ష్మిల కుమారుడు. ప్రాథమిక విద్యాభ్యాసం హైదరాబాద్ పబ్లిక్ స్కూల్, చెన్నై లోని చెట్టినాడ్ విద్యాశ్రమంలో పూర్తి చేశారు. ఆ తరువాత హైదరాబాద్ సెయింట్ మేరీస్ కాలేజీలో చదువుకున్నాడు. రానా తన ప్రేయసి విహిక బజాజ్‌ను 2020 ఆగస్టు 8న పెళ్లి చేసుకున్నాడు. అవార్డులు: లీడర్ చిత్రానికి ఉత్తమ నటుడిగా ఫిల్మ్‌ ఫేర్ సౌత్, నంది అవార్డులను పొందాడు. అలాగే 2017లో ఫోర్బ్స్ ఇండియా సెలబ్రిటీ 100 జాబితాలో రానా 36వ స్థానంలో నిలిచాడు . 2011 సంవత్సరానికి టైమ్స్ 50 మంది మోస్ట్ డిజైరబుల్ మెన్‌లో ఇరవయ్యవ స్థానంలో నిలిచాడు.