పోసాని సుధీర్ బాబు తెలుగు సినిమా నటుడు. సూపర్ స్టార్ కృష్ణ చిన్నల్లుడు. ఏ మాయ చేశావే చిత్రంలో చిత్రంలో జెస్సీ అన్నయ్యగా తొలిసారి తెరపై కనిపించాడు. ఆ తర్వాత 'SMS' చిత్రం ద్వారా హీరోగా పరిచయం అయ్యాడు. మారుతి డైరెక్షన్‌లో వచ్చిన ప్రేమకథా చిత్రమ్ సూపర్‌ హిట్ కావడంతో గుర్తింపు పొందాడు. సుధీర్ బాబు విలక్షణ పాత్రలకు పెట్టింది పేరుగా మారాడు. శమంతకమణి, శ్రీదేవి సోడా సెంటర్, వీ, మామా మశ్చీంద్ర, హంట్ వంటి చిత్రాలతో ప్రేక్షకులకు దగ్గరయ్యాడు. సుధీర్ బాబు తెలుగుతో పాటు హిందీలోనూ నటించాడు. బాఘీ చిత్రంతో అరంగేట్రం చేసాడు. ఈ సినిమాలో విలన్‌గా నటించి మెప్పించాడు. శమంతకమణి వాణిజ్యపరంగా విజయం సాధించింది వ్యక్తిగత జీవితం: సుధీర్ బాబు నటుడు సూపర్ స్టార్ కృష్ణ కుమార్తె మరియు మహేష్ బాబు చెల్లెలు ప్రియదర్శినిని 2006లో వివాహం చేసుకున్నాడు. ఈ దంపతులకు ఇద్దరు పిల్లలు ఉన్నారు. సినిమాల్లోకి రాకముందు, సుధీర్ ఏపీతో పాటు కర్ణాటక బ్యాడ్మింటన్‌లో నంబర్ 1 ర్యాంక్‌లో ఉండేవాడు. ప్రముఖ బ్యాడ్మింటన్ క్రీడాకారుడు పుల్లెల గోపీచంద్‌తో కలిసి డబుల్స్ భాగస్వామిగా ఆడాడు. అవార్డులు: సుధీర్ నటించిన SMS చిత్రానికి గాను ఉత్తమ తొలి చిత్ర నటుడిగా సైమా అవార్డును సొంతం చేసుకున్నాడు. సమ్మోహనం చిత్రానికిగాను సైమా నుంచి ప్రత్యేక జ్యూరి అవార్డు పొందాడు.