విశ్వక్ సేన్ తెలుగు సినిమా నటుడు. నటుడిగా మాత్రమే కాకుండా దర్శకుడిగాను ఆయనకు గుర్తింపు ఉంది. 'వెళ్లిపోమాకే' చిత్రం ద్వారా తెలుగు తెరకు పరిచయం అయ్యాడు. అయితే తరుణ్ భాస్కర్ డైరెక్షన్‌లో వచ్చిన 'ఈ నగరానికి ఏమైంది' చిత్రం ద్వారా ఆయనకు గుర్తింపు లభించింది. ఈ చిత్రం కమర్షియల్‌గా మంచి సక్సెస్ సాధించింది. ఇక తన స్వీయ దర్శకత్వంలో వచ్చిన 'ఫలక్‌నుమా దాస్' చిత్రం సైతం మంచి విజయం సాధించింది. ఆ తర్వాత 'హిట్', 'అశోకవనంలో అర్జున కళ్యాణం', 'దాస్‌కా ధమ్కీ', 'ఓరి దేవుడా' వంటి హిట్ చిత్రాలతో ప్రేక్షకులకు దగ్గరయ్యాడు. ఇతను జూనియర్ ఎన్టీఆర్‌కు పెద్ద ఫ్యాన్. ఆయనతో సినిమాలో నటించే అవకాశం కోసం ఎదురుచూస్తున్నట్లు పలు ఇంటర్వ్యూల్లో చెప్పాడు. వ్యక్తిగత జీవితం: విశ్వక్ సేన్ హైదారాబాద్‌ గాంధీ ఆస్పత్రిలో పుట్టాడు. అతని విద్యాభ్యాసం అంతా సికింద్రాబాద్‌, దిల్‌సుఖ్‌నగర్‌లో గడిచింది. విశ్వక్ సేన్ అసలు పేరు దినేష్ నాయుడు. ఈయన తండ్రి కరాటే రాజు వ్యాపారవేత్త.