దర్శకుడు రాజమౌళి తెరకెక్కించిన విజువల్‌ వండర్ చిత్రం ‘ఈగ’. ఇందులో నాని కనిపించేది కొద్దిసేపే అయినా తన నటనతో సినిమాకు ప్రాణం పోశాడు. సమంత వెంటపడే లవర్‌బాయ్‌గా కనిపించి అలరించాడు. 2012లో విడుదలైన ఈ చిత్రం అప్పట్లో సెన్సేషన్‌ క్రియేట్‌ చేసింది. కాగా ఈ సినిమాలో సుదీప్‌, ఆదిత్య, శ్రీనివాస రెడ్డి, తాగుబోతు రమేష్‌ కీలక పాత్రలు పోషించారు. ఎం.ఎం. కీరవాణి సంగీతం అందించారు.

నాని హీరోగా శ్రీకాంత్‌ ఒదెల దర్శకత్వం వహించిన చిత్రం ‘దసరా’. ఇందులో నాని తన నట విశ్వరూపాన్ని చూపించాడు. మాస్‌ ఆడియన్స్‌కు పూనకాలు తెప్పించాడు. నానికి జోడీగా కీర్తి సురేష్‌ నటించింది. హీరోతో పోటీపడి మరి నటించి మెప్పించింది. ఈ చిత్రం ద్వారా నాని రూ.100 కోట్ల క్లబ్‌లో చేరిపోయాడు. దీక్షిత్‌ శెట్టి, షైన్‌ టామ్‌ చాకో, షామ్నా ఖాసీం, సముద్రఖని, సాయికుమార్, ఝూన్సీ కీలకపాత్రలు పోషించారు.