అశ్వని నాచప్ప ప్రముఖ మాజీ క్రీడాకారిణి, సినీ నటి. 1967 అక్టోబరు 21 కర్ణాటకలోని కూర్గ్‌లో జన్మించారు. 80వ దశకంలో మహిళల పరుగుపందెంలో అశ్వని విశేషంగా రాణించారు. పి.టి.ఉషను ఓడించి భారతీయ ఫ్లోజోగా గుర్తింపు తెచ్చుకున్నారు. 1988లో భారత ప్రభుత్వం నుంచి అర్జున అవార్డు కూడా అందుకున్నారు. తన స్వీయ కథతో రూపొందిన అశ్వని (1991) చిత్రంలో నటించి వెండితెరపై అడుగుపెట్టారు. ‘ఆదర్శం’ (1993), ‘ఇన్స్‌పెక్టర్ అశ్విని’ (1993), ‘మిస్ 420’ (1995), ‘అందరూ అందరే’ (1996) వంటి చిత్రాల్లో నటించి టాలీవుడ్‌లో గుర్తింపు సంపాదించారు. ఆ తర్వాత నుంచి ఆమె సినిమాల్లో నటించడం లేదు.