చక్రి తెలుగులో సుప్రసిద్ధ సంగీత దర్శకుడు. ఆయన అసలు పేరు చక్రధర్ జిల్లా. పేదకుటుంబం నుంచి వచ్చి స్వయంకృషితో అంచలంచెలుగా స్టార్ మ్యూజిక్ డైరెక్టర్ స్థాయికి ఎదిగారు. పూరిజగన్నాథ్ డైరెక్షన్‌లో వచ్చిన బాచి(2000) చిత్రం ద్వారా మ్యూజిక్ డైరెక్టర్‌గా పరిచయం అయ్యారు. ఇడియట్, అమ్మనాన్న ఓ తమిళ అమ్మాయి, సత్యం, శివమణి, దేశముదురు, గోపి గోపిక గోదావరి, నేనింతే, మస్కా, ఢీ, భగీరథ, ఔనువాళ్లిద్దరూ ఇష్టపడ్డారు, దేవదాసు, సింహా వంటి బ్లాక్ బాస్టర్ చిత్రాలకు సంగీతం అందించారు. సింహా చిత్రానికి గాను తొలిసారి ఆయన నంది అవార్డును అందుకున్నారు. పూరి జగన్నాథ్ - చక్రి- రవితేజ ప్రాణమిత్రులు వీరి కాంబినేషన్‌లో వచ్చిన చిత్రాలన్నీ మ్యూజికల్ హిట్స్‌గా నిలిచాయి.