తెలుగులో తొలి తరం నేపథ్యగాయకులు, సంగీత దర్శకుల్లో ఘంటసాల ఒకరు. ఆయన మధురమైన కంఠంతో గొప్ప పేరు పొందారు. ఘంటసాల చాలా పేద కుటుంబం నుంచి వచ్చారు. కష్టపడి సంగీతం నేర్చుకున్నారు. స్వర్గసీమ చిత్రం ద్వారా తొలిసారి ఆయనకు నేపథ్య గాయకుడిగా అవకాశం లభించింది. పాతళభైరవి విజయం తెలుగునాట ఆయనకు గుర్తింపునిచ్చింది. దేవదాసు, అనార్కలి, శ్రీవెంకటేశ్వర మహత్యం, మయాబజార్ సినిమాల్లో ఆయన పాడిన పాటలు తెలుగువారి నోట ఇప్పటికీ మార్మోగుతునే ఉంటాయి. భగవద్గీతలో ఆయన పాడిన శ్లోకాలు వినుల విందుగా ఆద్యాత్మికతను చాటుతుంటాయి. నేపథ్య గాయకుడిగా మాత్రమే కాకుండా సంగీత దర్శకుడిగాను ఆయన రాణించారు. దాదాపు 100కు పైగా చిత్రాలకు బాణిలు అందించారు. బాలరాజు, కీలుగుర్రం, మనదేశం, అలీబాబు 40 దొంగలు, చంద్రహారం, శభాష్ రాముడు, మర్మయోగి, లవకుశ, గుండమ్మకథ, పాండవ వనవాసం, భువనసుందరి కథ వంటి చిత్రాలకు సంగీతం అందించారు. సంగీతంలోఆయన చేసిన సేవలకు గాను భారత ప్రభుత్వం ఆయన్ను పద్మశ్రీ పురస్కారంతో సత్కరించింది. దాదాపు 30 ఏళ్లపాటు ఆంధ్రప్రదేశ్ ప్రభుత్వం నుంచి ఉత్తమ నేపథ్య గాయకుడిగా అవార్డులు అందుకున్నారు. ఇప్పటికీ ఇదొక రికార్డు.