సుత్తివేలు టాలీవుడ్‌కు చెందిన దిగ్గజ హాస్య నటుడు. ఆయన అసలు పేరు కురుమద్దాలి లక్ష్మీ నరసింహారావు. 1947 ఆగస్టు 7న కృష్ణ జిల్లా మచిలిపట్నంలో జన్మించారు. కెరీర్‌ తొలినాళ్లలో నాటకాలు వేశారు. 'ముద్ద మందారం' (1981) సినిమాతో వెండితెరపై అడుగుపెట్టారు. ఆనంద భైరవి, రెండుజెళ్ళ సీత, శ్రీవారికి ప్రేమలేఖ, చంటబ్బాయి, ప్రతిఘటన వంటి పలు విజయవంతమైన చిత్రాలలో హాస్యపాత్రలను పోషించి పాపులర్‌ అయ్యారు. తెలుగులో 150 పైగా చిత్రాల్లో కమెడియన్‌, సహాయ నటుడి పాత్రల్లో కనిపించారు. ఉత్తమ సహా నటుడిగా, హాస్య నటుడిగా నాలుగు నంది అవార్డులు గెలుచుకున్నారు. అనారోగ్యంతో బాధపడుతూ 2012, సెప్టెంబరు 16న చెన్నైలోని ఓ ఆసుపత్రిలో మరణించారు.