• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • విశాఖ నుంచే పాలన: మంత్రి బొత్స

    AP: విశాఖ రాజధానిపై మంత్రి బొత్స సత్యనారాయణ కీలక వ్యాఖ్యలు చేశారు. మరో రెండు, మూడు నెలల్లో విశాఖ పరిపాలన రాజధానిగా అవతరించనుందని ఆయన ప్రకటించారు. పైడితల్లి అమ్మవారిని దర్శించుకున్నాక జిల్లా ప్రజలకు మంత్రి నూతన సంవత్సర శుభాకాంక్షలు తెలిపారు. ‘మరో 2-3 నెలల్లో విశాఖ పాలన రాజధానిగా ప్రారంభం కానుంది. జిల్లా ప్రజలే కాదు.. రాష్ట్ర వ్యాప్తంగా సమగ్రాభివృద్ధిని కోరుకుంటున్నారు. ప్రభుత్వం చేపడుతున్న పనులన్నీ సక్రమంగా జరుగుతున్నాయి. అభివృద్ధి, సంక్షేమాలే మా ప్రభుత్వ ధ్యేయం. గతేడాది కన్నా రాబోయే ఏడాది మరింత సఫలీకృతం … Read more

    ఎమ్మెల్యేలలతో సీఎం భేటీ: మంత్రి

    AP: ఈనెల 16 లేదా 17న ఎమ్మెల్యే‌లతో ముఖ్యమంత్రి జగన్‌మోహన్ రెడ్డి సమావేశం నిర్వహించనున్నారు. వైఎస్సార్‌సీపీ కార్యకర్తలను సమాయత్తం చేసేందుకు విస్తృతస్థాయి భేటీ ఏర్పాటు చేయనున్నారని మంత్రి బొత్స సత్యనారాయణ తెలిపారు. ఈ సందర్భంగా కార్యకర్తలు అభిప్రాయ భేదాలను పక్కనబెట్టి అందరూ సమిష్టిగా పనిచేయాలని మంత్రి పిలుపునిచ్చారు. అసత్యాలతో ప్రజలను మభ్యపెట్టేందుకు చంద్రబాబు ప్రయత్నిస్తున్నారని మంత్రి బొత్స ఆరోపించారు. వైసీపీ కార్యకర్తలు ప్రజలకు వాస్తవాలు తెలియజేయాలని తెలిపారు. ఏపీ ప్రభుత్వం అమలు చేస్తున్న పథకాల గురించి ప్రజల్లోకి విస్తృతంగా తీసుకెళ్లాలని సూచించారు.

    ఉపాధ్యాయుల కోరిక మేరకే ఉత్తర్వులు

    AP: ఉపాధ్యాయుల కోరిక మేరకే వారిని బోధనయేతర విధుల నుంచి తొలగించినట్లు మంత్రి బొత్స సత్యనారాయణ స్పష్టం చేశారు. ఉపాధ్యాయుల సమస్యలను పరిష్కరించేందుకు ప్రభుత్వం సిద్ధంగా ఉందని పిలుపునిచ్చారు. ఇచ్చిన హామీలన్నీ సీఎం నెరవేరుస్తున్నారని మంత్రి తెలిపారు. ఎన్నికల్లో ఓడిపోతారనే కారణంతో ఉపాధ్యాయులను విధుల నుంచి తొలగించినట్లు ఆరోపిస్తున్న ప్రతిపక్షాలకు మంత్రి సమాధానమిచ్చారు. ‘ఓసారి వచ్చి ఉపాధ్యాయులను అడగండి. వారే బోధనేయతర విధుల నుంచి మినహాయించాలని రాష్ట్ర ప్రభుత్వాన్ని కోరారు’ అని మంత్రి తెలిపారు.

    ‘పవన్ రాద్ధాంతంతో ఉపయోగం లేదు’

    AP: పవన్ కళ్యాణ్ రాద్ధాంతం చేయడం వల్ల గోరంత కూడా ఉపయోగం ఉండదని మంత్రి బొత్స సత్యనారాయణ అభిప్రాయపడ్డారు. విశాఖపట్నంలోని రుషికొండ బీచ్‌ని జనసేన అధినేత పవన్ కళ్యాణ్ సందర్శించడంపై మంత్రి ఈ విధంగా స్పందించారు. రిషికొండలో ప్రభుత్వ భవనాలు నిర్మిస్తే తప్పేంటని ప్రశ్నించారు. ‘అవును. రుషికొండలో ప్రభుత్వ భవనాలు నిర్మిస్తున్నాం. తప్పేంటి. ఇదివరకు ఇక్కడ భవనాలు ఉన్నాయి. విజయనగరం గుంకలాం వద్ద కూడా టౌన్‌షిప్ నిర్మిస్తున్నాం. జగనన్న కాలనీని పూర్తి చేయడానికి నాలుగేళ్లు పడుతుంది’ అని బొత్స చెప్పారు.

    త్వరలో విశాఖ నుంచి పాలన: బొత్స

    AP: విశాఖ నుంచి సీఎం జగన్ త్వరలోనే పరిపాలన ప్రారంభిస్తారని మంత్రి బొత్స సత్యానారయణ వెల్లడించారు. జనసేన పార్టీకి ఓ సిద్ధాంతం అంటూ ఏమీలేదని ఆయన విమర్శించారు. ఇంటింటికీ వెళ్లి.. పరిపాలన రాజధాని కావాలా? వద్దా? అని అడగండని ఆయన హితవు పలికారు. విశాఖను పాలనా రాజధానిగా వద్దన్నవారంతా చరిత్రహీనులవుతారని మంత్రి విమర్శించారు. విశాఖను పవన్ ఎందుకు వద్దంటున్నారో తెలయట్లేదని.. ఆయన అక్కడినుంచే పోటీచేశారు కదా? అని ప్రశ్నించారు. జగన్ తీసుకొచ్చిన మూడు రాజధానులకు ప్రజలు మద్దతు తెలుపుతున్నారని బొత్స ప్రకటించారు.

    BRSపై మంత్రి బొత్స స్పందన

    భారతీయ రాష్ట్ర సమితి పార్టీ ఏర్పాటుపై ఆంధ్రప్రదేశ్ మంత్రి బొత్స సత్యనారాయణ స్పందించారు. కేసీఆర్ ఏర్పాటు చేసిన జాతీయ పార్టీ ప్రభావం తమపై ఉండబోదని ఆయన స్పష్టం చేశారు. ఏపీలో ఎన్నో పార్టీలున్నాయని.. వాటిలో బీఆర్ఎస్ ఒకటని బొత్స తెలిపారు. పార్టీల సంఖ్య పెరగడం తమకే లబ్ధి చేకూర్చుతుందని ఆయన వెల్లడించారు. బీఆర్ఎస్‌ ఏర్పాటుతో తమలో పోటీతత్వం పెరుగుతుందని మంత్రి వ్యాఖ్యానించారు. టీఆర్ఎస్ పార్టీని బీఆర్ఎస్‌గా మార్చుతూ అక్టోబరు 5న కేసీఆర్ తీర్మానించారు.

    హరీశ్ వ్యాఖ్యలకు బొత్స కౌంటర్

    తెలంగాణ మంత్రి హరీశ్ రావు వ్యాఖ్యలపై బొత్స సత్యనారాయణ స్పందించారు. ఏపీలో ఉపాధ్యాయులపై కర్కశత్వం చూపిస్తోందన్న హరీశ్ వ్యాఖ్యలను బొత్స తిప్పికొట్టారు. ఏపీకి వచ్చి చూడాలని.. టీచర్లను ఎలా చూసుకుంటున్నామో తెలుస్తుందని ఆయన హితవు పలికారు. ‘టీచర్లు సంతోషంగా ఉన్నారు. బహుశా హరీశ్ ఏపీ గురించి మాట్లాడి ఉండకపోవచ్చు. వారు ఇక్కడికి వచ్చి చూస్తే టీచర్లను ఎలా చూసుకుంటున్నామో తెలిసిపోతుంది. ఏపీ, తెలంగాణ పీఆర్సీలలో తేడా చూడండి’ అని బొత్స పేర్కొన్నారు.

    ఏపీలో ప్రతి ఎమ్మెల్యేకు రూ.2 కోట్ల నిధులు

    ఏపీలో గడప గడపకు కార్యక్రమంపై సీఎం జగన్ నిర్వహించిన సమీక్ష ముగిసింది. ఈ కార్యక్రమం మరింత మెరుగ్గా నిర్వహించాలని సీఎం జగన్ ఆదేశించారు. పనిచేసిన వారికే ఎన్నికల్లో టికెట్ ఇస్తామని… లేదంటే అలిగినా బాధపడినా ప్రయోజనం లేదని జగన్ స్పష్టం చేశారు. ప్రతి ఎమ్మెల్యేలకు నియోజక వర్గ సమస్యల పరిష్కారం కోసం రూ.2 కోట్ల నిధులు ఇస్తున్నట్లు ప్రకటించారు. మరోవైపు ఏపీలో రోడ్లపై టీడీపీ గత 5 ఏళ్లలో ఎంత ఖర్చు చేసిందో చెప్పాలని మంత్రి బొత్స సత్యనారాయణ డిమాండ్ చేశారు. వారు చేసినది … Read more

    Categories AP

    17 మంది మంత్రులతో బహిరంగ సభ

    బడుగు,బలహీన వర్గాలకు వైఎస్సార్‌సీపీ ప్రభుత్వం సముచిత స్థానం కల్పిస్తోందని మంత్రి బొత్స సత్యనారాయణ అన్నారు. విజయనగరంలో బహిరంగ సభ ఏర్పాట్లను ఆయన పరిశీలించారు.బహిరంగసభలో 17 మంది మంత్రులతో పాటు ప్రభుత్వం నియమించిన వివిధ కార్పొరేషన్ల చైర్మన్‌లు, ఎమ్మెల్యేలు, ఎంపీలు పాల్గొంటారని చెప్పారు. న్యాయభేరి పేరిట గురువారం నుంచి నాలుగు రోజుల బస్సుయాత్ర నిర్వహిస్తున్నట్లు బొత్స వెల్లడించారు.

    మంత్రి బొత్స ఆస‌క్తిక‌ర వ్యాఖ్య‌లు

    మంత్రి బొత్స స‌త్య‌నారాయ‌ణ ఏపీ రాజ‌ధానిపై సంచ‌ల‌న వ్యాఖ్య‌లు చేశారు. నిన్న మొన్న‌టివ‌ర‌కు ఆంధ్ర‌ప్ర‌దేశ్ కు మూడు రాజ‌ధానులంటూ సీఎం జ‌గ‌న్ చెబుతుంటే.. తాజాగా బొత్స ఏపీకి అమ‌రావ‌తి రాజ‌ధాని కాద‌ని.. హైద‌రాబాదేన‌ని ప్ర‌క‌టించారు. ఆంధ్ర‌ప్ర‌దేశ్ విభ‌జ‌న చ‌ట్టం ప్ర‌కారం 2024 వ‌ర‌కు రెండు తెలుగు రాష్ర్టాల‌కు హైద‌రాబాద్ ఉమ్మడి రాజ‌ధాని అన్నారు. దీంతో బొత్స వ్యాఖ్య‌ల‌పై టీడీపీ నేత‌లు మండిప‌డుతున్నారు. హైకోర్టు ఇచ్చిన తీర్పుతో వైసీపీ నేత‌ల‌కు మ‌తి చెడింద‌ని.. అవగాహ‌న లేకుండా ఏదేదో మాట్లాడుతున్నార‌ని విమ‌ర్శిస్తున్నారు.

    Categories AP