హీరో బాలకృష్ణ వ్యాఖ్యాతగా వ్యవహరిస్తున్న అన్‌స్టాపబుల్ టాక్ షోకు బాలీవుడ్ నటుడు రన్బీర్ కపూర్ విచ్చేసి సందడి చేశాడు. ఈ కార్యక్రమంలో రన్బీర్ ఓ ఆసక్తికర విషయాన్ని పంచుకున్నాడు. డైరెక్టర్ సందీప్ రెడ్డి వంగా తదుపరి ప్రభాస్ తో స్పిరిట్ చిత్రాన్ని చేయనున్నారు. ఈ చిత్రంలో ఏదైనా చిన్న రోల్ తన కోసం ఉన్నా, చేస్తా అంటూ రన్బీర్ చెప్పుకొచ్చాడు. ‘యానిమల్’ మూవీ ప్రమోషన్స్‌లో భాగంగా రన్బీర్ అన్ స్టాపబుల్ షోకి వచ్చారు.

సూపర్ స్టార్ రజినీకాంత్ హీరోగా శ్రియా హీరోయిన్‌గా నటించిన ‘శివాజీ ది బాస్’ చిత్రం ఎంతో ఘన విజయం సాధించిన విషయం అందరికి తెలిసిందే.. 2007లో విడుదలైన ఈ చిత్రం బాక్సాఫీస్ వద్ద పెద్ద విజయం సొంతం చేసుకుంది. ఈ మూవీకి శంకర్ దర్శకత్వం వహించగా సుమన్ విలన్ పాత్రలో కనిపించారు. ప్రస్తుతం చిత్రం రీ రిలీజ్‌కు సిద్ధమైంది. తెలుగులో ఈ మూవీని డిసెంబర్ 12న రజినీకాంత్ పుట్టినరోజు సందర్భంగా రీ రిలీజ్ చేస్తున్నట్లు మేకర్స్ ప్రకటించారు.

‘కంగువా’ చిత్రం షూటింగ్‌లో హీరో సూర్యకు గాయమైన విషయం తెలిసిందే. చిత్రీకరణ సమయంలో రోప్‌ కెమెరా భుజంపై పడి ఆయనకు స్వల్ప గాయాలయ్యాయి. వెంటనే ఆయన్ను ఆసుపత్రికి తరలించారు. ఆసుపత్రిలో చికిత్స పొందుతున్న సూర్య తన ఆరోగ్య పరిస్థితిపై స్పందించారు. తాను కోలుకుంటున్నట్లు చెప్పారు. ‘ఇప్పుడే కోలుకుంటున్నాను. ప్రస్తుతం బాగానే ఉంది’ అంటూ సూర్య పోస్ట్ పెట్టారు.

బాలకృష్ణ హీరోగా బాబీ కొల్లి దర్శకత్వంలో ఓ చిత్రం తెరకెక్కుతున్న విషయం తెలిసిందే. ఈ సినిమా షూటింగ్ తొలి షెడ్యూల్‌ని పూర్తి చేసుకుంది. తదుపరి షెడ్యూల్‌ చిత్రీకరణ ఊటీలో జరగనుంది. ఈ నెల 24 నుంచి అక్కడ కీలక సన్నివేశాల్ని తెరకెక్కించనున్నారు. యాక్షన్‌ ప్రధానంగా సాగే ఈ సినిమాని నాగవంశీ, సాయిసౌజన్య నిర్మిస్తున్నారు.

హీరో వైష్ణవ్‌ తేజ్ నటించిన ‘ఆదికేశవ’ చిత్రం ఈ నెల 24న ప్రేక్షకుల ముందుకు రానుంది. ఈ నేపథ్యంలో సినిమా ప్రమోషన్‌లో భాగంగా వైష్ణవ్‌ తేజ్‌ఓ ఇంటర్వ్యూలో చిరంజీవి అంటే తనకు ఎంత ఇష్టమో చెప్పారు. చిరు అని ఇంగ్లీషు అక్షరాలు వచ్చేలా క్రాఫ్‌ చేయించుకున్న ఓ ఫొటోపై వైష్ణవ్‌ స్పందిస్తూ. ‘పెద్ద మామయ్య పుట్టినరోజుకు అందరూ బహుమతులు తెచ్చారు. ఆయనకు నా ప్రాణం తప్ప ఏం ఇవ్వగలను అని అనిపించింది. నేను సర్‌ప్రైజ్‌ చేద్దామని చిరు అని వచ్చేలా క్రాఫ్‌ చేయించుకున్నా’. అని ...