• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • 1టీబీ వరకు గూగుల్ డ్రైవ్ స్టోరేజీ పొడిగింపు

    గూగుల్ డ్రైవ్ వాడేవారికి శుభవార్త. ఉచిత స్టోరేజీ లిమిట్‌ని గణనీయంగా పెంచుతున్నట్లు సంస్థ ప్రకటించింది. ప్రస్తుతం 15జీబీ వరకు గూగుల్‌లో ఉచితంగా డేటాను స్టోర్ చేసుకోవచ్చు. ఇకనుంచి ఈ స్టోరేజీ లిమిట్ 1టీబీ(1024జీబీ) వరకు పొడిగించనుంది. పీడీఎఫ్, ఇమేజ్, క్యాడ్ వంటి వంద రకాలైన ఫైళ్లను స్టోర్ చేసుకోవచ్చని తెలిపింది. వీటికి ఎలాంటి ఫీజు చెల్లించనక్కర్లేదని స్పష్టం చేసింది. 15జీబీ నుంచి 1టీబీకి వాటంతటవే అప్‌గ్రేడ్ అవుతాయని గూగుల్ తెలిపింది. ప్రస్తుతం చాలామంది ఈ గూగుల్ వర్క్‌స్పేస్‌ని వినియోగిస్తున్నారు. దీంతో వీరందరికీ లబ్ధి చేకూరనుంది.

    త్వరలో నెట్‌ఫ్లిక్స్ పెయిడ్ షేరింగ్ ఫీచర్

    నూతన సబ్‌స్క్రైబర్లను పెంచుకునేందుకు నెట్‌ఫ్లిక్స్ ముమ్మర చర్యలు చేప్టటింది. పాస్‌వర్డ్ షేరింగ్‌ని నిలిపివేస్తున్నట్లు ప్రకటించిన సంగతి తెలిసిందే. ఇకనుంచి ప్రైమరీ అకౌంట్ నుంచి కంటెంట్‌ని యాక్సెస్ చేసుకోవాలంటే అదనంగా డబ్బులు చెల్లించాల్సిందే. ఈ మేరకు పెయిడ్ షేరింగ్ ఫీచర్‌ని తీసుకొస్తోంది. 2023 ఏప్రిల్ నెల నుంచి చాలా దేశాల్లో ఈ ఫీచర్‌ని అమలు చేయనున్నట్లు నెట్‌ఫ్లిక్స్ ప్రకటించింది. ప్రైమరీ అకౌంట్ హోల్డర్స్ తమ అకౌంట్ పాస్‌వర్డ్‌ని షేర్ చేయాలని భావిస్తే కచ్చితంగా అదనపు రుసుం చెల్లించాల్సి ఉంటుందని స్పష్టం చేసింది.

    బహిరంగ ప్రదేశాల్లో బ్లూటూత్‌ వాడితే అంతే!

    మేసేజ్‌లు, లింకులు పంపించి హ్యాక్‌ చేయడం గురించి మనకు తెలిసిందే. కానీ బ్లూబగ్గింగ్‌ విధానంలో సైబర్‌ నేరగాళ్లు ఫోన్లను హ్యాక్‌ చేస్తున్నారు. బ్లూటూత్‌ ఆన్‌లో ఉన్న ఫోన్లు లక్ష్యంగా నేరాలకు పాల్పడుతున్నారు. బహిరంగ ప్రదేశాల్లో ఉన్నపుడు 10 మీటర్ల పరిధిలో బ్లూటూత్‌ ఆన్‌లో ఉన్న ఫోన్లకు రిక్వెస్ట్ పంపి కనెక్ట్‌ అవుతారు. మనం వాడే ఇయర్‌ఫోన్స్‌, స్మార్ట్‌ వాచి వంటివి గమనించి ఆ డివైజ్‌ పేరుతో రిక్వెస్ట్ పంపుతారు. ఒకసారి కనెక్ట్‌ అయ్యామా..అంతే! మాల్‌వేర్లను పంపించి మన ఫోన్‌ను వారి చేతుల్లోకి తీసుకుంటారు.

    బ్రెయిన్‌తోనే ఇన్‌స్టా వాడేయొచ్చు.. ఎలాగంటే?

    బ్రెయిన్ కంప్యూటర్ ఇంటర్‌ఫేస్(BCI)లో భాగంగా మరో బ్రెయిన్ చిప్‌ని కనుగొన్నారు. వెంట్రుక కన్నా చిన్నగా, సన్నగా ఉండే సైజులో ఈ చిప్‌ని అమెరికన్ సంస్థ ‘ప్రిసిషన్ న్యూరోసైన్స్’ అభివృద్ధి చేసింది. దీనిని మెదడులోకి చొప్పిస్తే శరీర సాయం లేకకుండానే కంప్యూటర్‌ని ఉపయోగించొచ్చు. సోషల్ మీడియాలో బ్రౌజ్ చేయొచ్చు. పక్షవాతం, ఇతర వైకల్యం ఉన్న వారి కోసం దీనిని రూపొందించినట్లు సంస్థ పేర్కొంది. పుర్రెపై సన్నటి రంధ్రం ద్వారా మెదడులోకి చిప్‌ని ప్రవేశపెట్టొచ్చని తెలిపింది. ఎలాన్ మస్క్ ఫండింగ్ చేసిన ‘న్యూరాలింక్’ కూడా ఇదే తరహా … Read more

    ఆండ్రాయిడ్ ఫొన్లలో శాటిలైట్ టెక్నాలజి

    టెలికాం దిగ్గజం క్వాల్కమ్ కీలక ప్రకటన చేసింది. శాటిలైట్ కమ్యూనికేషన్ టెక్నాలజీని ఆండ్రాయిడ్‌ ఫొన్లలో తీసుకురానున్నట్లు వెల్లడించింది. అమెరికాలో జరిగిన కన్సూమర్ ఎలక్ట్రానిక్ షోలో పేర్కొంది. ఈ ఫీచర్ ఇప్పటి వరకు ఐఫోన్ 14SOSలో మాత్రమే ఉంది. సాధారణంగా మొబైల్ ఫొన్‌కు సిగ్నల్స్ సెల్‌ఫోన్ టవర్స్ నుంచి వస్తాయి. టవర్స్‌కు శాటిలైట్ ద్వారా అందుతాయి. ఈ ఫీచర్ ద్వారా మొబైల్‌ ఫొన్‌ నేరుగా శాటిలైట్‌తో కనెక్ట్‌ అయి ఉంటుంది. సిగ్నల్స్ కోసం టవర్‌పై ఆధారపడదు. టవర్స్ ఎక్కువగా ఉండని మారుమూల గ్రామాలు, సముద్రం, అటవీ … Read more

    గూగుల్‌కు పోటీ చాట్‌జీపీటీ

    చాట్‌జీపీటీ అనే సెర్చ్ ఇంజిన్‌ గూగుల్‌కి సవాల్‌గా మారింది. ఆర్టిఫీషియల్ ఇంటెలిజెన్స్‌తో రూపుదిద్దుకుంటున్న దీనికి ఇప్పటికే 10 లక్షల మంది వినియోగదారులు ఉన్నారట. కేవలం ప్రయోగాల దశలో ఉన్నప్పుడే ఇలా ఉంటే తర్వాత గూగుల్ పరిస్థితి ఏంటని అందరూ ఆలోచిస్తున్నారు. రెండేళ్లలో గూగుల్‌ను దాటేస్తుందని అంచనా. శాన్‌ఫ్రాన్సిస్కోలో ఓపెన్‌ఐ సంస్థ తయారు చేస్తుంది. ఈ కంపెనీ వెబ్‌సైట్‌లోకి వెళ్లి నమోదు చేసుకొని దీన్ని వాడవచ్చు. దీంట్లో ఎన్నో ప్రత్యేకతలు ఉన్నాయి.

    OTP షేర్ చేస్తున్నారా.. జాగ్రత్త!

    ఆన్‌లైన్‌ పేమెంట్స్ పెరిగినప్పటి నుంచి ఓటీపీ మోసాలు అధికమయ్యాయి. ప్రతి దానికీ ఓటీపీ తప్పనిసరి అవుతున్న నేపథ్యంలో సైబర్ కేటుగాళ్లు దీన్ని ఆసరాగా చేసుకుని దోచుకుంటున్నారు. ఫుడ్ డెలివరీ బాయ్స్‌ల రూపంలో ప్రజలకు మస్కా కొడుతున్నారు. ఆర్డర్ చేయనప్పటికీ.. ఫుడ్ ఆర్డర్ వచ్చిందంటూ నమ్మిస్తారు. చేయలేదని వారిస్తే.. క్యాన్సల్ చేయడానికి ఓటీపీ చెప్పాలని అంటారు. ఇలా ఓటీపీని తెలుసుకుని సొమ్మంతా ఖాళీ చేస్తారు. అలాగే మనం చదువుకోని వారినీ స్కానర్, లింకుల ద్వారా బురిడీ కొట్టిస్తారు. ఇలాంటి తరహా మోసాలపై అప్రమత్తంగా ఉండాలని పోలీసులు … Read more

    క్యాష్‌లెస్ పేమెంట్స్ చేసే స్మార్ట్ రింగ్

    కేరళకు చెందిన ఓ స్టార్టప్ కంపెనీ స్మార్ట్ రింగ్‌ని రూపొందించింది. దీని ద్వారా క్యాష్‌లెస్ పేమెంట్స్‌ని చేసుకోవచ్చు. కార్డులు, ఫోన్ లేకుండానే పేమెంట్స్‌ని చేయడం దీని ప్రత్యేకత. పైగా దీనిని ఛార్జ్ చేయనక్కర్లేదు. బ్లూ టూత్‌తో కనెక్ట్ చేసుకోనక్కర్లేదు. కేవలం కంపెనీకి చెందిన ఏస్‌మనీ యాప్‌ని డౌన్‌లోడ్ చేసుకుంటే చాలు అని సంస్థ ప్రతినిధులు వెల్లడించారు. ఈ యాప్‌లో రీఛార్జ్ చేసుకుంటే రింగ్ పనిచేసేలా తీర్చిదిద్దారు. జిర్కోనియా సెరామిక్‌తో దీన్ని రూపొందించారు. ఎలాంటి వాతావరణంలో నైనా ఇది సమర్థంగా పనిచేయగలదు.

    ‘డిలీట్ ఫర్‌ మీ’ నొక్కారా? నో ప్రాబ్లమ్‌!

    వాట్సాప్‌లో మరో కొత్త ఫీచర్‌ అందుబాటులోకి రాబోతోంది. ఇది చాలామందికి నిజంగా ఊరట కలిగించే ఫీచర్‌. కొన్నిసార్లు మనం అనుకోకుండా ఒక చోట చేయాల్సిన మెసేజ్ మరో చోట చేస్తుంటాం. అది డిలీట్‌ చేసే క్రమంలో పొరపాటున డిలీట్ ఫర్ మీ నొక్కామా? అంతే!. ఇక తలపట్టుకుని కూర్చోవాల్సిందే. కానీ ఇకపై డిలీట్‌ ఫర్‌ మీ నొక్కిన తర్వాత మళ్లీ అన్‌డూ చేసే ఫీచర్‌ను వాట్సాప్‌ తీసుకొస్తోంది. ప్రస్తుతం బీటా టెస్టింగ్‌లో ఉన్న ఫీచర్ త్వరలోనే అందుబాటులోకి వచ్చే అవకాశముంది.

    100 భాషల్లో గూగుల్ సెర్చ్

    గూగుల్ సెర్చింజన్‌లో 100కు పైగా భారతీయ భాషల్లో వాయిస్, టెక్ట్స్ సెర్చ్ చేయొచ్చని గూగుల్ సీఈఓ సుందర్ పిచాయ్ తెలిపారు. న్యూఢిల్లీలో ‘గూగుల్ ఫర్ ఇండియా’ కార్యక్రమంలో ఆయన మాట్లాడుతూ.. ప్రజలు స్థానిక భాషల్లోనే విజ్ణాన సముపార్జన, సమాచార సేకరణకు అవకాశం కల్పిస్తున్నామని పేర్కొన్నారు. రాబోయే 7 ఏళ్లలో భారత్‌లో రూ.75,000 కోట్లు పెట్టుబడి పెట్టనున్నట్లు తెలిపారు. ఐడీఎఫ్‌లో కేటాయించిన 30 కోట్ల డాలర్లలో భారత మహిళల స్టార్టప్‌లలో పెట్టుబడి పెడతామన్నారు.