సుకుమార్ దర్శకత్వంలో అల్లు అర్జున్ ప్రధాన పాత్రలో తెరకెక్కిన ‘పుష్ప 2’ సినిమా చరిత్ర సృష్టిస్తోంది. రూ. 1000 కోట్లకుపైగా వసూళ్లు సాధించిన భారతీయ చిత్రాల జాబితాలో ఇది రెండో స్థానంలో నిలిచింది. అయితే, తెలుగు సినిమాల లిస్ట్‌లో మాత్రం మొదటి స్థానాన్ని అధిరోహించింది.
‘దంగల్’ సినిమా రూ. 2000 కోట్లకుపైగా వసూళ్లతో ఇప్పటికీ అగ్రస్థానంలో కొనసాగుతుండగా, ‘బాహుబలి 2’ (రూ. 1810 కోట్లు) చిత్రాన్ని అధిగమించి ‘పుష్ప 2’ రెండో స్థానానికి చేరుకుంది. ఈ విజయంతో తెలుగు సినిమా ప్రతిష్టను ప్రపంచస్థాయికి తీసుకెళ్లింది.
ఇక ‘పుష్ప 2’ టీమ్ సోషల్ మీడియా వేదికగా ప్రకటించిన వివరాల ప్రకారం, కేవలం 32 రోజుల్లోనే ఈ చిత్రం ప్రపంచవ్యాప్తంగా రూ. 1831 కోట్లు గ్రాస్ వసూళ్లను సాధించింది. ఈ గణాంకాలు ‘పుష్ప 2’ చిత్ర విజయాన్ని స్పష్టంగా వెల్లడిస్తున్నాయి.
ఈ సినిమా అంతర్జాతీయంగా కూడా భారీ వసూళ్లు సాధించడం తెలుగు సినీ పరిశ్రమకు గర్వకారణంగా నిలిచింది. అల్లు అర్జున్ నటన, సుకుమార్ దర్శకత్వం, దేవిశ్రీ ప్రసాద్ సంగీతం వంటి అన్ని అంశాలు ప్రేక్షకులను మెప్పించాయి.
అత్యధిక వసూళ్ల చిత్రాల జాబితాలో కేజీయఫ్ 2 (రూ. 1250 కోట్లు, RRR (రూ. 1300 కోట్లు), బాహుబలి 2 (రూ. 1810 కోట్లు) ను దాటేసిన పుష్ప 2.. దంగల్(రూ.2000 కోట్ల) రికార్డును బీట్ చేసే దిశగా వెళ్తోంది. ఈ గణాంకాలు చూస్తే, పుష్ప 2 త్వరలోనే ఈ రికార్డును క్రాస్ చేసే అవకాశం ఉంది.
థియేటర్లలో దూసుకెళ్తున్న పుష్ప 2 ఓటీటీలో ఎప్పుడు స్ట్రీమ్ అవుతుందనే చర్చలు సామాజిక మాధ్యమాల్లో గట్టిగానే సాగుతున్నాయి. జనవరి రెండో వారం నుంచి స్ట్రీమింగ్ కానుందంటూ వార్తలు విస్తరించాయి. అయితే ఈ వార్తలపై చిత్ర బృందం క్లారిటీ ఇచ్చింది. సినిమా థియేటర్లలో విడుదలైన 56 రోజులకు ముందుగా ఏ ఓటీటీలోనూ ఈ చిత్రం విడుదల కాని విషయం స్పష్టంచేసింది.
అల్లు అర్జున్ అద్భుతమైన నటన, సుకుమార్ కథనం, దేవి శ్రీ ప్రసాద్ సంగీతం, జగపతి బాబు, సునిల్ వంటి విలక్షణ నటుల నటన పుష్ప 2 విజయానికి మూలాధారంగా నిలిచాయి. ప్రేక్షకుల ఆదరణను సొంతం చేసుకున్న ఈ చిత్రం, ప్రపంచవ్యాప్తంగా భారతీయ సినిమా స్థాయిని మరో మెట్టు పైకి తీసుకెళ్లింది.
‘పుష్ప 2’ రికార్డు వసూళ్లు సాధించడం కేవలం తెలుగు సినిమాలకే కాదు, భారతీయ చిత్ర పరిశ్రమకు గొప్ప మైలురాయిగా నిలుస్తుంది.
Celebrities Featured Articles Telugu Movies
Chiranjeevi: ‘టాలెంట్‌ ఒక్కటే సరిపోదు.. ప్రవర్తన ముఖ్యం’.. బన్నీకి చిరు ఇండైరెక్ట్‌ పంచ్‌!