Game Changer Review : గేమ్‌ ఛేంజర్ చిత్రాన్ని హిట్‌ చేసిన కీలక అంశాలు ఇవే!

ఈ సంక్రాంతి పండుగ వేళ.. టాలీవుడ్ నుంచి ప్రేక్షకులను (Game Changer Review) అలరించడానికి వచ్చిన సినిమా “గేమ్ ఛేంజర్.” గ్లోబల్ స్టార్ రామ్ చరణ్(Ram Charan) ప్రధాన పాత్రలో, దర్శకుడు శంకర్ వినూత్న కథనంతో తెరకెక్కించిన ఈ చిత్రం పాన్ ఇండియా స్థాయిలో విడుదలై భారీ అంచనాలను నెలకొల్పింది. మరి ఈ సినిమా ఆ అంచనాలను అందుకుందా? లేకపోతే నిరాశపరిచిందా? తెలుసుకోవడానికి సమీక్షలోకి వెళ్లేద్దాం.

కథ 

ఆంధ్రప్రదేశ్ రాజకీయాలను ఆధారంగా చేసుకుని కథ నడుస్తుంది. ప్రస్తుత ముఖ్యమంత్రి బొబ్బిలి సత్యమూర్తి (శ్రీకాంత్) “అభ్యుదయం” పార్టీ పేరుతో పరిపాలిస్తుంటాడు. అయితే, ఆయన తనయుడు మంత్రి అయిన బొబ్బిలి మోపిదేవి (ఎస్ జే సూర్య) ముఖ్యమంత్రి పదవిపై కన్నేసి ఉంటాడు. ఈ పరిస్థితుల్లో కలెక్టర్‌గా రామ్ నందన్ (రామ్ చరణ్) నియమించబడతాడు. మోపిదేవి, రామ్ నందన్ మధ్య పొలిటికల్ యుద్ధం ఎలా ప్రారంభమవుతుంది? ఈ క్రమంలో సత్యమూర్తి తన అనుచరుల ఎదుట రామ్ నందన్‌ను కొత్త ముఖ్యమంత్రిగా ఎందుకు ప్రకటిస్తాడు? అసలు అభ్యుదయం పార్టీ స్థాపకుడైన అప్పన్న (రామ్ చరణ్ ద్విపాత్రాభినయం) కథతో సంబంధం ఏమిటి? ఈ ప్రశ్నలన్నింటికి జవాబులు వెండితెర మీద గేమ్ ఛేంజర్‌లో చూడాల్సిందే.

ఎవరెలా చేశారంటే?

రామ్‌ చరణ్ నటన

రామ్ చరణ్ మరోసారి తన నటనతో అద్భుతంగా మెప్పించాడు. గతంలో “రంగస్థలం”లో చిట్టిబాబు పాత్రలో ఏ విధంగా ఒదిగిపోయాడో, ఈ చిత్రంలో అప్పన్న పాత్రలోనూ అంతే ప్రామాణికతను చూపించాడు. అప్పన్న పాత్రలో అమాయకత్వాన్ని, నిబద్ధతను చరణ్ అద్భుతంగా చూపించాడు. అలాగే రామ్ నందన్ పాత్రలో స్టైలిష్ లుక్స్‌తో, పవర్‌ఫుల్ పెర్ఫార్మెన్స్‌తో ప్రేక్షకులను ఆకట్టుకున్నాడు.

• అంజలి: ఈ సినిమాలో అంజలి పాత్ర ఆమె కెరీర్‌లో నిలిచిపోయే మరో ముఖ్యమైనది. ఆమె ఎమోషనల్ సన్నివేశాలు ప్రేక్షకుల హృదయాలను కదిలించాయి.
• ఎస్ జే సూర్య: ప్రతినాయకుడిగా తన మ్యానరిజమ్, నటనతో సినిమా స్థాయిని మరో మెట్టు ఎక్కించాడు.
• శ్రీకాంత్: ముఖ్యమంత్రి పాత్రలో అతని ప్రతిభ ఆకట్టుకుంది.
• కియారా అద్వానీ: తన గ్లామర్‌తో పాటు ప్రాముఖ్యత కలిగిన పాత్రలో ఆకట్టుకుంది.

డైరెక్షన్ ఎలా ఉందంటే?

శంకర్ తన శైలికి తగ్గట్టుగా ప్రేక్షకులను కట్టిపడేసే మాస్ ఎలిమెంట్స్‌తో కథను అల్లారు. పొలిటికల్ డ్రామాలో ఎమోషన్లకు ప్రాధాన్యతనిచ్చి, కొన్ని కొత్త ఆలోచనలను కూడా ప్రవేశపెట్టాడు. మలుపులు, గ్రిప్పింగ్ స్క్రీన్‌ప్లే, వైవిధ్యమైన ప్రెజెంటేషన్ సినిమాను ప్రత్యేకతగా నిలిపాయి.

టెక్నికల్‌గా

• సినిమాటోగ్రఫీ: తిరు కెమెరా పనితనంతో ప్రేక్షకులకు అద్భుతమైన విజువల్ ట్రీట్ అందించారు. ప్రతి ఫ్రేమ్ ఎంతో రిచ్‌గా కనిపిస్తుంది. పాటలు విజువల్ ఫీస్ట్‌గా నిలిచాయి.
• సంగీతం: థమన్ బ్యాక్‌గ్రౌండ్ స్కోర్, కొన్ని పాటలు సినిమాకు పెద్ద ఎసెట్‌గా నిలిచాయి. బీజీఎమ్‌ రామ్‌చరణ్ క్యారెక్టర్‌ను బాగా ఎలివేట్ చేసింది.
• ఎడిటింగ్: చక్కటి ఎడిటింగ్‌తో కథనాన్ని కుదురుగా ఉంచారు.

బలాలు

రామ్ చరణ్ నటన

తమన్ మ్యూజిక్

విజువల్ ఫీస్ట్ సన్నివేశాలు

బలహీనతలు

రొటీన్ కథ: ఈ కథ రాజకీయ నేపథ్యం మీద నడిచే సాధారణ కథలని తలపిస్తుంది.

ఫస్ట్ హాఫ్: మొదటి పదిహేను నిమిషాలు కాస్త నెమ్మదిగా అనిపించవచ్చు.

చివరగా

“గేమ్ ఛేంజర్” అనేది రామ్ చరణ్ కెరీర్‌లో నిలిచిపోయే మరో పొలిటికల్ డ్రామా. శంకర్ మార్క్ స్టోరీ టెల్లింగ్, రామ్ చరణ్ పవర్‌ఫుల్ పెర్ఫార్మెన్స్, మరియు మిగిలిన తారాగణం అద్భుతమైన నటనతో ఈ సినిమా ఆద్యంతం ఆకట్టుకుంటుంది. అయితే కొన్ని రొటీన్ ఎలిమెంట్స్, చిన్నతరహా లోపాలు పక్కన పెడితే, ఈ సినిమా అభిమానులు, కుటుంబ సభ్యులు కలిసి థియేటర్‌లో ఎంజాయ్ చేసే ఒక మంచి ఎంటర్టైనర్.

రేటింగ్: 3/5