నైరుతి బంగాళాఖాతంలో ఏర్పడిన అల్పపీడనం తీవ్రవాయుగుండంగా బలపడినట్లు వాతావరణ శాఖ తెలిపింది. వాయుగుండం చెన్నైకి 570కిలోమీటర్ల దూరంలో కేంద్రీకృతమై ఉంది. దక్షిణ కోస్తా, తమిళనాడు తీరం వైపు వాయుగుండం పయనిస్తోందని వాతావరణ శాఖ వెల్లడించింది. మరో 24 గంటల్లో వాయుగుండం బలహీనపడే అవకాశం ఉందని పేర్కొంది. దీని ప్రభావంతో తమిళనాడు, కోస్తా ఆంధ్రా తీరం వెంబడి ఇవాళ రేపు భారీ వర్షాలు కురవనున్నట్లు వెల్లడించింది.
పశ్చిమ బెంగాల్ తీరంలోని బంగాళాఖాతంలో ఉపరితల ఆవర్తనం ఏర్పడింది. దీని ప్రభావంతో రానున్న 24గంటల్లో కోస్తా ఆంధ్రా, రాయలసీమ జిల్లాల్లో వర్షాలు కురుస్తాయని వాతావరణ శాఖ తెలిపింది. రేపు, ఎల్లుండి కోస్తా తీరంలో భారీ వర్షాలు కురుస్తాయని అంచనా వేసింది.ఇదే క్రమంలో ఈదురు గాలులు విపరీతంగా వీస్తాయని వెల్లడించింది.
AP: బంగాళాఖాతంలో ఏర్పడిన అల్పపీడనం మరికొద్ది గంటల్లో తీవ్ర అల్పపీడనంగా మారనుందని వాతావరణ కేంద్రం హెచ్చరించింది. అల్పపీడనం ప్రభావంతో ఉత్తరాంధ్ర జిల్లాల్లోని సముద్ర తీరం అల్లకల్లోలంగా మారింది. గంటకు 55కి.మీ వేగంతో ఈదురు గాలులు వీస్తున్నాయి.గాలుల ధాటికి ఫిషింగ్ బోటులు సముద్రంలోకి కొట్టుకుపోయాయి. మరోవైపు ఒడిశా-గంజాంలో ఏపీ మత్స్సకారులు చిక్కుకున్నారు. వారిని కాపాడేందుకు గంజాం పోర్టులోకి వెళ్లేందుకు అధికారులు అనుమతి ఇవ్వాలని మత్స్యకారులు కోరుతున్నారు.
@2021 KTree