• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • క్యాసినో కేసు; మంత్రి తలసాని పీఏను విచారించిన ఈడీ

    క్యాసినో కేసు వ్యవహారంలో తెలంగాణ మంత్రి తలసాని శ్రీనివాస్ యాదవ్ పీఏ హరీష్‌ను ఈడీ విచారించింది. ఆయనతో పాటు వ్యాపారవేత్త బుచ్చిరెడ్డిని కూడా విచారించింది. 7 గంటలపాటు వారిని ఈడీ అధికారులు ప్రశ్నించారు. కాగా బుచ్చిరెడ్డి తన బ్యాంకు వివరాలను ఈడీ అధికారులకు అందజేశారు. నేపాల్‌లో నిర్వహించిన క్యాసినోలో తనకూ 5 శాతం వాటా ఉందని ఒప్పుకున్నాడు. కాగా క్యాసినో కేసులో మొత్తం 130 మందితో ఒక జాబితా తయారు చేసినట్లు సమాచారం.

    క్యాసినో కేసులో తలసాని సోదరులు !

    క్యాసినో వ్యవహారంలో ఈడీ అధికారులు మళ్లీ దర్యాప్తు వేగవంతం చేశారు. తలసాని సోదరులను ఇవాళ ప్రశ్నించనున్నారు. తలసాని మహేశ్, తలసాని ధర్మేంద్ర యాదవ్ లు చీకోటి ప్రవీణ్ తో కలిసి విదేశాలకు వెళ్లారని పేర్కొన్నారు.. క్యాసినోకు తరలించిన సొమ్ము విషయంలో నిందితులు హవాలాకు పాల్పడ్డారని ప్రాథమికంగా గుర్తించారు. మెదక్ జిల్లాకు చెందిన ఓ నేత కీలకంగా వ్యవహరించినట్లు తెలుస్తోంది. రాయలసీమకు చెందిన మరో మాజీ ప్రజాప్రతినిధిని ప్రశ్నిస్తారని సమాచారం.

    చీకోటీ క్యాసినో కేసులో ఈడీ దూకుడు

    చీకోటి ప్రవీణ్ క్యాసినో వ్యవహారం కేసులో ఈడీ దూకుడు పెంచింది. ఈ కేసుకు సంబంధించి పలువురు ప్రముఖులకు నోటీసులు జారీ చేసింది. టీఆర్ఎస్ ఎమ్మెల్సీ ఎల్ రమణ, మెదక్ డీసీసీబీ చైర్మన్ దేవేందర్‌రెడ్డికి నోటీసులు అందజేసింది. మరోవైపు మంత్రి తలసాని శ్రీనివాస్ యాదవ్ సోదరులు మహేష్ యాదవ్, ధర్మేంద్ర యాదవ్‌లు ఈడీ ముందు హాజరయ్యారు. మనీ ల్యాండరింగ్, హవాలా వ్యవహారంలో వీరిని విచారించారు. గతంలో చీకోటి ప్రవీణ్‌తో కలసి వీరు విదేశాలకు వెళ్లినట్లు అధికారులు గుర్తించారు.

    చికోటి వాట్సాప్ చాట్ రికవరీ

    క్యాసినో కేసులో చీకోటి ప్రవీణ్ వాట్సాప్ చాట్ ను ఈడీ రికవరీ చేసింది. అందులో ఉన్న ప్రముఖుల జాబితాను సేకరించింది. సోమవారం నుంచి వీరిని ప్రశ్నించే అవకాశముంది. అనేక మంది రాజకీయ, వ్యాపార ప్రముఖులతో చీకోటికి సంబంధం ఉన్నట్లు ఈడీ తేల్చింది. ప్రముఖ వ్యాపారి సంపత్, ఎమ్మెల్యే తీగల కృష్ణారెడ్డి, ఎమ్మెల్సీ ఎల్. రమణ, తీగల కృష్ణారెడ్డి తదితరులతో చీకోటికి సంబంధాలు ఉన్నట్లు ఈడీ ప్రాథమికంగా నిర్ధరించింది.

    క్యాసినో నిందితులకు ముగిసిన ఈడీ విచారణ

    TS: క్యాసినో నిందితుల ఈడీ విచారణ ముగిసింది. క్యాసినో వ్యవహారంలో ప్రధాన నిందితులైన చికోటి ప్రవీణ్, మాధవరెడ్డిలను దాదాపు 10గంటల పాటు ఈడీ అధికారులు ప్రశ్నించారు. ఫెమా నిబంధనల ఉల్లంఘనపై విచారణ చేపట్టారు. హవాలా మార్గంలో నగదు బదిలీతో ఎవరెవరికి సంబంధాలున్నాయని నిందితులను ప్రశ్నించారు. ఈ వ్యవహారంలో రాజకీయనాయకుల ప్రమేయంపై ఆరా తీశారు.

    క్యాసినో కేసులో ఈడీ విచారణకు హాజరైన చికోటీ ప్రవీణ్ బృందం

    క్యాసినో వ్యవహారంలో చికోటీ ప్రవీణ్ బృందం ఇవాళ ఈడీ విచారణకు హాజరైంది. హైదరాబాద్ బషీర్ బాగ్లో ఈడీ కార్యాలయానికి వచ్చిన ప్రవీణ్, మాధవరెడ్డి, ట్రావెల్ ఏజెంట్ సంపత్ సహా పలువురని ఈడీ అధికారులు ప్రశ్నిస్తున్నారు. క్యాసినో వ్యాపారంలో పెద్ద మొత్తంలో జరిగిన హవాలా మనీ గురించి ఆరా తీసుకున్నట్లు సమాచారం. మరోవైపు పలువురి బ్యాంక్ స్టేట్ మెంట్లను ప్రవీణ్ వారికి అందించినట్లు తెలిసింది. ఈ వ్వవహారంలో 10 మంది సినీ ప్రముఖులు, మరో 20 మంది రాజకీయ నేతల ప్రమేయం ఉన్నట్లు తెలుస్తోంది.

    చీకోటి క్యాసినో కేసులో బినామీలపై దృష్టి

    తెలుగు రాష్ట్రాల్లో సంచలనం సృష్టించిన చీకోటి ప్రవీణ్ క్యాసినో కేసులో ఈడీ దర్యాప్తు ముమ్మరంగా సాగుతోంది. బినామీలు, కేసుతో సంబంధమున్న ప్రముఖుల వివరాలపై ఈడీ దృష్టిసారించింది. ప్రవీణ్ ప్రధాన అనుచరుడు సంపత్ నుంచి సమాచారం రాబట్టేందుకు ప్రయత్నిస్తోంది. కోట్ల రూపాయల హవాలా జరిగిందనే ప్రాథమిక సమాచారం మేరకు ఈడీ ఆర్థిక లావాదేవీలను పరిశీలిస్తోంది.