హైదరాబాద్‌లోని డీఏవీ పాఠశాలకు విద్యాశాఖ అనుమతి పునరుద్ధరణ చేసింది. విద్యార్థుల తల్లిదండ్రుల విజ్ణప్తి మేరకు ఈ నిర్ణయం తీసుకున్నట్లు విద్యాశాఖ తెలిపింది. కాగా బంజారాహిల్స్‌లోని డీఏవీ పాఠశాలలో నాలుగేళ్ల చిన్నారిపై ఓ కామాంధుడు లైంగిక దాడికి పాల్పడ్డాడు. ఈ ఘటన రాష్ట్రంలో సంచలనం రేకెత్తించింది. దీంతో పాఠశాలను వెంటనే మూసివేశారు. కానీ విద్యార్థులు విద్యాసంవత్సరం నష్టపోతుండటంతో మళ్లీ తెరిచారు.
హైదరాబాద్-డీఏవీ స్కూలు మరో ఉల్లంఘన వెలుగు చూసింది. ఈ స్కూలుకు 5వ తరగతి వరకే అనుమతి ఉండగా.. 6,7 తరగతులను కూడా నిర్వహిస్తోందని విచారణలో తేలింది. సీబీఎస్ఈ సిలబస్ నిర్వహణలోనూ నిబంధనలు పాటించడంలేదని తెలిసింది. 4 ఏళ్ల చిన్నారిపై స్కూలు డ్రైవర్ అత్యచార ఘటనపై సీరియస్ అయిన తెలంగాణ సర్కారు పాఠశాల గుర్తింపును రద్దు చేసిన విషయం తెలిసిందే. ఈ ఘటనకు బాధ్యులను కఠినంగా శిక్షించాలని మెగాస్టార్ చిరంజీవి సైతం ప్రభుత్వాన్ని విజ్ఞప్తి చేశారు.
ఎల్‌కేజీ విద్యార్థినిపై లైంగిక వేధింపులకు కారణమైన డీఏవీ స్కూల్‌పై వేటు పడింది. హైదరాబాద్‌లోని డీఏవీ పాఠశాల గుర్తింపును తక్షణమే రద్దు చేయాలంటూ డీఈఓను తెలంగాణ విద్యాశాఖ మంత్రి సబితాఇంద్రారెడ్డి ఆదేశించారు. పాఠశాలలోని విద్యార్థులు ఈ విద్యాసంవత్సరం నష్టపోకుండా దగ్గర్లోని వేరే స్కూళ్లలో సర్దుబాటు చేయాలని సూచించారు. ఈ ఘటనపై విద్యాశాఖ కార్యదర్శి నేతృత్వంలో కమిటీ వేస్తున్నట్లు తెలిపారు.
@2021 KTree