employeeRetirementAge – YouSay Telugu

ఎన్టీఆర్ వర్సిటీ బిల్లుకు గవర్నర్ ఆమోదం

by Naveen K November 1, 2022

AP: ఎన్టీఆర్ ఆరోగ్య వర్సిటీ పేరు మారుస్తూ రాష్ట్ర ప్రభుత్వం తీసుకొచ్చిన బిల్లుకు గవర్నర్ బిశ్వభూషణ్ హరిచందన్ ఆమోదం తెలిపారు. ఎన్టీఆర్ హెల్త్ యూనివర్సిటీ పేరుని వైఎస్సార్ వర్సిటీగా మారుస్తూ ప్రభుత్వం నిర్ణయం తీసుకుంది. ఈ మేరకు శాసన సభ, మండలిలో బిల్లుకు ఆమోదం తెలిపి సెప్టెంబరు 21న గవర్నర్‌కు పంపించింది. ఈ క్రమంలో ఎన్టీఆర్ యూనివర్సిటీ ఆఫ్ హెల్త్ సైన్సెస్ చట్ట సవరణకు గవర్నర్ ఆమోదముద్ర వేశారు. కాగా, పేరు మార్పు రాష్ట్ర రాజకీయాల్లో పెను సంచలనం రేపింది.

ఆ కార్డు ఉన్నవారికి వచ్చే నెలలో 15కేజీల బియ్యం

by YouSay App July 7, 2022

AP: ఆగస్టు నెలలలో ఆహార భద్రత కార్డులు కలిగిన లబ్ధిదారులకు 15 కిలోల చొప్పున బియ్యం పంపిణీ చేయాలని సర్కారు నిర్ణయించింది. కరోనా టైం నుంచి ప్రధానమంత్రి గరీబ్‌ కల్యాణ్‌ యోజన కింద కేంద్రం పేదలకు ఉచిత బియ్యం పంపిణీ చేస్తోంది. అయితే మే నెలలో రాష్ట్ర ప్రభుత్వం ఆ కోటాను లబ్ధిదారులకు ఇవ్వలేదు. దీంతో మే నెల కోటాను ఆగస్టులో లబ్ధిదారులకు ఇవ్వాలని అధికారులను ఆదేశించింది. ఈ ఉచిత బియ్యం పంపిణీ ఈఏడాది సెప్టెంబర్ వరకు కొనసాగిస్తామని కేంద్రం గతంలో వెల్లడించింది.

AP: కోవిడ్ నాలుగో వేవ్ కు ఇది సంకేతమా?

by June 28, 2022June 28, 2022

ఏపీలో కరోనా కేసులు క్రమక్రమంగా పెరుగుతూ పోతున్నాయి. అప్పట్లో రోజవారీ బులిటెన్ విడుదల చేసిన ప్రభుత్వం కేసులు తగ్గాయనే ఉద్దేశంతో మే 1 నుంచి బులిటెన్ విడుదల ఆపేసింది. ఈ బులిటెన్ వస్తే అయినా ప్రజల్లో కాస్త కరోనా టెన్షన్ ఉండేదేమో? అన్న ప్రశ్నలు తలెత్తుతున్నాయి. ఒకప్పుడు భారీగా టెస్టులు చేసిన గవర్నమెంట్ ఇప్పుడు టెస్టులను విపరీతంగా తగ్గించేసింది. వందల్లో ఉన్న యాక్టివ్ కేసులు కాస్త ఇప్పుడు వేలల్లోకి మారాయి. ఇకనైనా ప్రజలు మేల్కొని కరోనా నిబంధనలు పాటించాలని పలువురు హెచ్చరిస్తున్నారు.

ఏపీ ఎగ్జిబిటర్లకు చుక్కలు చూపిస్తున్న ప్రభుత్వం

by YouSay App June 17, 2022

ఏపీ ప్రభుత్వం రాష్ట్రంలోని ఎగ్జిబిటర్లకు చుక్కలు చూపిస్తోంది. సినిమాలకు వచ్చిన డబ్బులు మొత్తం తామే కలెక్ట్ చేసుకుని 2శాతం ట్యాక్స్ మినహాయించుకుని తిరిగి ఎగ్జిబిటర్ల అకౌంట్లలోకి చెల్లిస్తామని ప్రభుత్వం చెబుతోంది. కానీ ఈ విధానాన్ని పలువురు డిస్ట్రిబ్యూటర్లు వ్యతిరేఖిస్తున్నారు. తమకు ఈ విధానం సరిగా అనిపించడం లేదని చెబుతున్నారు. కానీ మీరు ఒప్పంద పత్రాల మీద సంతకం చేయకపోతే.. మీ లైసెన్సులను క్యాన్సిల్ చేస్తామని ప్రభుత్వం ఒత్తిడి చేస్తోందట. ఈ నిర్ణయం వల్ల చాలా మంది నష్టపోయే ప్రమాదముందని ఎగ్జిబిటర్లు భయపడుతున్నారు.

AP: నేడే కొలువుదీరనున్న కొత్త కేబినేట్

by YouSay App April 11, 2022

ఏపీ కొత్త కేబినేట్ నేడు కొలువుదీరనుంది. 11 మంది పాత, 14 మంది కొత్తవారు మంత్రులుగా ప్రమాణ స్వీకారం చేయనున్నారు. మొత్తం కేబినేట్‌లో 8 మంది ఓసీలు, 10 మంది బీసీలు, ఐదుగురు ఎస్సీలు, ఎస్టీ, మైనార్టీ వర్గాల నుంచి ఒకోక్కరికి చోటు దక్కింది. 8 జిల్లాలకు ప్రాతినిథ్యం దక్కలేదు. చిత్తూరు జిల్లా నుంచి ముగ్గురికి మంత్రి పదవి లభించింది. 4 మహిళలకు ఈ కొత్త కేబినేట్‌లో ఛాన్స్ ఇచ్చారు.

‘3 రాజ‌ధానుల నినాదంతో మ‌ళ్లీ ప్ర‌జ‌ల్లోకి వెళ్లాలి’

by YouSay App March 25, 2022

ప్ర‌తిప‌క్షంలో ఉన్న‌ప్పుడు రాజ‌ధానిగా అమ‌రావ‌తికి మ‌ద్దతు ఇచ్చిన జ‌గ‌న్ మోహ‌న్ రెడ్డి అధికారంలోకి వ‌చ్చిన త‌ర్వాత ఆ ప్రాంతాన్ని నాశ‌నం చేశాడ‌ని టీడీపీ అధినేత చంద్ర‌బాబు నాయుడు ఆవేద‌న వ్య‌క్తం చేశారు. ముఖ్య‌మంత్రి రాజీనామా చేసి మూడు రాజ‌ధానుల నినాదంతో మ‌రోసారి ఎన్నిక‌ల్లో పోటీ చేయాల‌ని స‌వాలు విసిరారు. రాష్ట్రాన్ని అభివృద్ధి చేయ‌డంలో జ‌గ‌న్ ప్ర‌భుత్వం విఫ‌ల‌మ‌యింద‌ని మండిప‌డ్డారు. మూడు రాజధానులపై అసెంబ్లీలో జరిగిన చర్చలో చంద్ర‌బాబునాయుడు ఈ విధ‌మైన వ్యాఖ్య‌లు చేశారు.

AP: అసెంబ్లీ నుంచి 11 మంది టీడీపీ ఎమ్మెల్యేల సస్పెన్షన్

by YouSay App March 15, 2022

ఏపీ అసెంబ్లీ సమావేశాలు వాడీ వేడిగా సాగుతున్నాయి. అసెంబ్లీ నుంచి 11 మంది టీడీపీ ఎమ్మెల్యేలను సస్పెండ్ చేస్తూ స్పీకర్ తమ్మినేని సీతారాం నిర్ణయం తీసుకున్నారు. అసెంబ్లీలో నాటు సారా విషయమై వాగ్వాదం నడుస్తోంది. టీడీపీ ఎమ్మెల్యేలు పోడియం వద్దకు వెళ్లి పదే పదే సభను అడ్డుకోవడంతో సస్పెండ్ చేసినట్లు స్పీకర్ ప్రకటించారు. వీరిని ఒక రోజు పాటు సస్పెండ్ చేస్తున్నట్లు తెలిపారు.

పదవీ విరమణ వయస్సు పెంపు బిల్లును ఆమోదించిన ఏపీ అసెంబ్లీ