విశాఖపట్నం గాజువాకలోని 89 అడుగుల నిమజ్జనం కోసం ఏర్పాట్లు చకచకా సాగుతున్నాయి. భారీ విగ్రహం కూలిపోయే ప్రమాదం ఉండటంతో ఉత్సవ కమిటీపై అధికారులు ఒత్తిడి తీసుకొచ్చారు. రేపటి వరకూ సమయం ఇచ్చేందుకు నిరాకరించారు. మధ్యాహ్నం 3 గంటలకు మహా గణపతి నిమజ్జన కార్యక్రమం ప్రారంభం కానుంది. విశాఖలో రేపు నిమజ్జన కార్యక్రమం జరగనుంది.
నగరంలో గణేష్ నిమజ్జనంలో అపశృతి చోటుచేసుకుంది. హిమాయత్ నగర్ లో ఈ ఘటన జరిగింది. వర్షానికి విగ్రహం బాగా తడిసిపోవడంతో వినాయక విగ్రహం కూలిపోయినట్లు స్థానికులు చెబుతున్నారు. కర్మన్ ఘాట్ టీకేఆర్ కళాశాల నుంచి విగ్రహ ఊరేగింపు మొదలయింది. ఈ క్రమంలో హిమాయత్ నగర్ బజాజ్ ఎలక్ట్రానిక్స్ వద్దకు రాగానే 20 అడుగుల విగ్రహం నేలకొరిగింది.
హైదరాబాద్‌లో నేడు గణేశ్‌ నిమజ్జనానికి అన్ని ఏర్పాట్లు పూర్తయ్యాయి. హుస్సేన్‌సాగర్‌ వద్ద భారీగా ఏర్పాట్లు చేశారు. రేపు ఉదయం వరకూ పలు ప్రాంతాల్లో ట్రాఫిక్‌ ఆంక్షలు కొనసాగుతాయి. హైదరాబాద్‌, రంగారెడ్డి, మేడ్చల్‌ మల్కాజ్‌గిరి జిల్లాల్లో ప్రభుత్వం నేడు సెలవుగా ప్రకటించింది. ఇవాళ, రేపు వైన్స్‌లు బంద్‌ ఉండనున్నాయి. అవాంఛనీయ సంఘటనలు తలెత్తకుండా పోలీసులు కట్టుదిట్టమైన ఏర్పాట్లు చేశారు. సీసీ కెమెరాలు, భారీగా బందోబస్తుతో పహారా కాస్తున్నారు.
ఏదేమైనా ఖైరతాబాద్ గణేషుడిని హుస్సేన్ సాగర్ లోనే నిమజ్జనం చేస్తామని భాగ్యనగర్ గణేష్ ఉత్సవ సమితి తేల్చిచెప్పేసింది. సాగర్ లో పీవోపీ విగ్రహాల నిమజ్జనాన్ని హైకోర్టు నిషేధించిన నేపథ్యంలో ఈ వ్యాఖ్యలు ప్రాధాన్యం సంతరించుకున్నాయి. కోర్టు ఆదేశాలపై సమీక్షకు వెళ్లాల్సిన బాధ్యత ప్రభుత్వానిదని హితవు పలికింది. నిమజ్జనాల వల్ల హుస్సేన్ సాగర్ కలుషితం కావడం లేదంది. సాగర్ పొడవునా బైక్ ర్యాలీ తీస్తామని, నిమజ్జనానికి ఆటంకం కలగకుండా ప్రభుత్వం చూసుకోవాలని కోరింది.
@2021 KTree