• Cricket
  • Lifestyle
  • Health
  • Relationships
  • People
  • Recommended
  • Technology
  • Apps
  • Gadgets
  • Tech News
  • Telugu Movies
  • Hot Actress
  • Movie News
  • Reviews
  • 5 ట్రిలియన్ డాలర్ల ఆర్థిక వ్యవస్థగా భారత్

    2024-25 నాటికి 5 ట్రిలియన్ డాలర్లు కలిగిన ఆర్థిక వ్యవస్థగా భారత్ అవతరిస్తుందని కేంద్రమంత్రి నితిన్ గడ్కరీ వెల్లడించారు. ప్రస్తుతం వేగంగా వృద్ధి చెందుతున్న దేశాల్లో భారత్ ముందుందని ఆయన స్పష్టం చేశారు. ‘సుస్థిరాభివృద్ధి లక్ష్యంగా ముందుకు వెళ్తున్నాం. వృద్ధి, ఉద్యోగ కల్పనపై ప్రభుత్వం దృష్టి సారించింది. 2030 నాటికి ప్రపంచ సుస్థిరాభివృద్ధి లక్ష్యాలను సాధించడంలో భారత్ కీలక పాత్ర పోషిస్తుంది. ప్రత్యామ్నాయ ఇంధన వనరులపై దృష్టి సారిస్తున్నాం. ఆటోమొబైల్ పరిశ్రమ విలువను రూ. 15లక్షల కోట్లకు తీసుకెల్లాలన్నదే లక్ష్యం. దిగుమతులు తగ్గించడంపై భారత్ … Read more

    భారత జీడీపీ.. @6.9శాతం

    భారత జీడీపీ వృద్ధి శాతాన్ని ప్రపంచ బ్యాంకు మరోసారి సవరించింది. కిందటి సారితో పోలిస్తే వృద్ధిశాతాన్ని కాస్త పెంచింది. 6.5శాతంగా అంచనా వేసిన జీడీపీని 6.9శాతంగా సవరిస్తూ ప్రకటించింది. అంతర్జాతీయంగా ప్రతికూల పరిస్థితులు ఉన్నప్పటికీ భారత్ వృద్ధి దిశగా సాగుతోందని కితాబిచ్చింది. 2022 రెండో త్రైమాసికంలో(జులై-సెప్టెంబరు) అంచనాలు పెరగడం మొత్తం ఆర్థిక వ్యవస్థ వృద్ధి రేటు పెంపునకు దోహదపడిందని ఆర్థిక సర్వేలో పేర్కొంది. ఈ ఆర్థిక సంవత్సరంలో భారత్ 7.5శాతం వృద్ధిని నమోదు చేస్తుందని తొలుత ప్రపంచ బ్యాంకు ప్రకటించి.. అక్టోబరులో 6.5శాతానికి తగ్గించింది.

    భారత్‌ జీడీపీ వృద్ధిరేట్లు: యూబీసీ

    భారత జీడీపీ వృద్ధి రేటు అంచనాలను యూబీఎస్‌ ప్రకటించింది. ప్రస్తుత ఆర్థిక సంవత్సరం 2022-23 మధ్య 6.9 శాతం నమోదవుతుందని చెప్పింది. 2023-24 మధ్య కాలంలో గణనీయంగా తగ్గి 5.5 శాతానికి పరిమితం అవుతోందన్నారు. 2024-25లో 6 శాతం వృద్ధిని అంచనా వేసింది. దీర్ఘకాలిక గటు ఇదేస్థాయిలో కొనసాగుతోందని వెల్లడించింది. ప్రపంచ వద్ధి మందగమనం, కఠిన ద్రవ్య విధానాలు ఇందుకు కారణమని పేర్కొంది.

    జీడీపీలో ఐఎంఎఫ్‌ అంచనాలు దాటేస్తాం: సీఈఏ

    భారత స్థూల దేశీయోత్పత్తి వృద్ధిరేటు 2022-23 ఆర్థిక సంవత్సరంలో ఐఎంఎఫ్‌ అంచనాలు దాటుతోందని చీఫ్‌ ఎకనమిక్‌ అడ్వైజర్‌ అనంత నాగేశ్వరన్‌ తెలిపారు. పెరుగుతున్న మూలధన పెట్టుబడులతో అంచనా వేస్తున్నామని పేర్కొన్నారు. జీడీపీ వృద్ధి రేటును ఐఎంఎఫ్‌ రెండుసార్లు సవరించింది. మెుదట్లో భారత్‌ 8.2 శాతం నమోదు చేస్తుందని ప్రకటించిన తర్వాత జులైలో 7.4 శాతానికి తగ్గించారు. అంతర్జాతీయ అనిశ్చితులు, ద్రవ్యోల్బణం, వడ్డీరేట్ల పెంపు కారణంగా 6.8 శాతానికి కుదించారు.

    వృద్ధిబాటలో భారత ఆర్థిక వ్యవస్థ

    ప్రస్తుత ఆర్థిక సంవత్సరంలో భారత ఆర్థిక వ్యవస్థ 7నుంచి 7.8 శాతం మేర వృద్ధి సాధించవచ్చని ఆర్థికవేత్తలు అంచనా వేస్తున్నారు. రష్యా-ఉక్రెయిన్‌ యుద్ధంతో అంతర్జాతీయంగా అనిశ్చితి నెలకొన్నా.. వ్యవసాయ ఉత్పత్తిలో మెరుగుదల, పుంజుకుంటున్న గ్రామీణ ఆర్థిక వ్యవస్థ వల్ల భారత్‌ రాణించగలదని భావిస్తున్నారు. అంతర్జాతీయంగా ఇంధనం, కమొడిటీల ధరల వల్ల ద్రవ్యోల్బణం పెరిగిందన్నారు. ఇంధనంపై డ్యూటీస్ రిబేట్ వల్ల రాబోయే త్రైమాసికాల్లో ద్రవ్యోల్బణం తగ్గుముఖం పట్టొచ్చని అంచనా వేశారు. ప్రస్తుత ఆర్థిక సంవత్సరంలో 7 శాతం వృద్ధిరేటు ఉండొచ్చని పేర్కొన్నారు.