అఫ్గానిస్థాన్‌లో తాలిబన్లు అధికారంలోకి వచ్చినా.. దాడులు ఆగట్లేదు. తాజాగా కాబూల్ మిలిటరీ ఎయిర్‌పోర్టు లక్ష్యంగా రాకెట్ దాడులు జరిగాయి. ఈ ఘటనలో 10మంది ప్రాణాలు కోల్పోగా.. మరో ఎనిమిది మంది పరిస్థితి విషమంగా ఉంది. కాబూల్ మిలిటరీ ఎయిర్‌పోర్టు ప్రధాన గేటుకు అతి సమీపంలో ఈ పేలుడు సంభవించిందని అంతర్గత మంత్రిత్వ శాఖ అధికార ప్రతినిధి ఒకరు ధ్రువీకరించారు. టఖర్ ప్రావిన్సులో బాంబ్ బ్లాస్ట్ జరిగి నాలుగు రోజులైనా గడవక ముందే ఈ పేలుడు చోటు చేసుకోవడం గమనార్హం.
అఫ్గానిస్థాన్‌లో భారీ ప్రమాదం చోటు చేసుకుంది. రాజధాని కాబూల్‌కు 80మైళ్ల దూరంలోని ఓ టన్నెల్‌లో పెట్రోల్ ట్యాంకర్ పేలింది. ఈ ఘటనలో 19 మంది సజీవదహనమయ్యారు. 32 మందికి తీవ్ర గాయాలయ్యాయి. మృతుల్లో మహిళలు, చిన్నారులు ఉండటం కలచివేస్తోంది. అయితే, పెట్రోల్ ట్యాంకర్‌కి నిప్పంటుకోవడంతోనే ఈ ప్రమాదం జరిగినట్లు తెలుస్తోంది. కానీ, ఓ టన్నెల్‌లో పెట్రోల్ ట్యాంకర్‌కి నిప్పు ఎలా అంటుకుందనే అనుమానాలు వ్యక్తమవుతున్నాయి. ఉత్తర, దక్షిణ అఫ్గానిస్థాన్‌లను కలిపే ‘సలాంగ్’ అనే టన్నెల్‌లో ఈ ప్రమాదం జరిగింది. క్షతగాత్రులకు ఆసుపత్రిలో చికిత్స అందిస్తున్నారు.
అఫ్గానిస్థాన్‌- కాబుల్‌లో ఉగ్రవాదులు మరోసారి విరుచుకుపడ్డారు. కాబుల్‌లోని ఓ పాఠశాలలో ఉగ్రవాదుల ఆత్మహుతి దాడిలో 53 మంది విద్యార్థులు ప్రాణాలు కోల్పోయారు. మృతుల్లో 46 మంది బాలికలు ఉన్నట్లు తెలిసింది. ఈ ఘటన గురించి పూర్తి సమాచారం తెలియాల్సి ఉంది.
ఆఫ్ఘనిస్తాన్ రాజధాని కాబూల్‌లో ఆత్మాహుతి దాడి జరిగింది. ఈ దాడిలో దాదాపు 100 మంది చిన్నారులు దుర్మరణం పాలైనట్లు సమాచారం. కాబూల్ సమీపంలోని దస్తీ-ఈ-బర్చీ ప్రాంతంలోని ఓ విద్యాకేంద్రంలో ఈ దాడి జరిగింది. ఓ వ్యక్తి బాంబు ధరించుకుని.. విద్యార్థుల మధ్యకు వెళ్లి తనను తాను పేల్చేసుకున్నాడు. ఆ పేలుడుకు చుట్టుపక్కల ఉన్న విద్యార్థులందరూ మృత్యువాతపడ్డారు.
పరీక్షకు సన్నద్ధమవుతున్న విద్యార్థులపై బాంబుదాడి జరిగింది. అఫ్గాన్ రాజధాని కాబూల్‌లోని ఓ విద్యాసంస్థలో దుండగులు శుక్రవారం ఆత్మాహుతి దాడికి పాల్పడ్డారు. ఈ దుర్ఘటనలో 19మంది అమరులయ్యారు. 27మందికి తీవ్ర గాయాలయ్యాయి. ఘటనా స్థలంలో మృతదేహాలు చెల్లాచెదురుగా పడిపోయాయి. తాలిబన్లు అధికారంలోకి వచ్చినా.. టెర్రరిస్టు దాడులు ఆగడం లేదు. భద్రతా లోపాలతో ప్రజల ప్రాణాలను ఫణంగా పెడుతున్నారు. వారంలోనే రెండు బాంబు దాడులు జరగడం గమనార్హం.
@2021 KTree