టీమిండియా మ్యాచ్‌కు వరుణుడు ఆటంకం కలిగిస్తున్నాడు. నేపియర్‌లో హఠాత్తుగా జల్లులు కురిశాయి. ఔట్ ఫీల్డ్ తడిగా ఉండటంతో అంపైర్లు టాస్‌ని వాయిదా వేశారు. రెండో టీ20లో విజయం సాధించి ఊపుమీదున్న టీమిండియా.. ఈ మ్యాచ్ కూడా గెలిచి సిరీస్‌ని కైవసం చేసుకోవాలనే జోష్‌తో ఉంది. మరోవైపు, ఎలాగైనా ఈ మ్యాచులో నెగ్గి సిరీస్‌ని సమం చేయాలనే పట్టుదలతో న్యూజిలాండ్ ఉంది. ఈ కీలక మ్యాచ్ ముంగిట కివీస్ జట్టు కెప్టెన్ విలియమ్సన్ అందుబాటులో లేకపోవడం జట్టుకు లోటే. విలియమ్సన్‌కు బదులుగా సౌథీ సారథ్యం వహించనున్నాడు. … Read more

రెండో టీ20లో భారత్ విజయం సాధించింది. 65 పరుగుల తేడాతో న్యూజిలాండ్‌ను ఓడించింది. తొలుత బ్యాట్‌తో రెచ్చిపోయి.. అనంతరం బంతితో చిత్తు చేసింది. భారత బౌలింగులో దీపక్ హుడా 4 వికెట్లు తీసి అందరినీ ఆశ్చర్యపరిచాడు. 19వ ఓవర్లో అతడు ఏకంగా మూడు వికెట్లు రాబట్టడం విశేషం. పేసర్ మహ్మద్ సిరాజ్, చాహల్ ఆకట్టుకున్నారు. 192 పరుగుల లక్ష్యాన్ని ఛేదించలేక కివీస్ బ్యాటర్లు చతికిలపడ్డారు. స్కోర్లు భారత్ 191/6, న్యూజిలాండ్ 126 ఆలౌట్.