రోడ్డు నాణ్యతలో లోపం కారణంగా ప్రమాదాలు జరిగితే దానికి అధికారులే బాధ్యత వహించాల్సి ఉంటుందని జాతీయ రహదారుల అభివృద్ధి సంస్థ-NHAI స్పష్టం చేసింది. దీనికి సంబంధించి మంగళవారం ఉత్తర్వులు జారీ చేసింది. కాంట్రాక్టరు ఒప్పందం, నాణ్యతా ప్రమాణాలకు విరుద్ధంగా రోడ్డు నిర్మాణ పనుల విషయంలో సర్టిఫికెట్లు జారీ చేస్తే చర్యలు తప్పవని హెచ్చరించింది. రోడ్డుపై మార్కింగ్‌లు, సైన్‌ బోర్డులు, క్రాష్‌ బ్యారియర్ల వంటివి పూర్తి కాకుండానే అధికారులు సర్టిఫికెట్లు ఇస్తున్నట్లు తమ దృష్టికి వచ్చిందని NHAI ఉత్తర్వుల్లో పేర్కొంది.