ఆసియాక‌ప్‌లో భాగంగా బుధ‌వారం భార‌త్, హాంకాంగ్ మ‌ధ్య మ్యాచ్ జ‌రిగిన సంగ‌తి తెలిసిందే. ఇందులో హాంకాంగ్‌పై భార‌త్ 40 ప‌రుగుల తేడాతో విజ‌యం సాధించింది. అయితే ఆట ముగిసిన త‌ర్వాత హాంకాంగ్ ఆట‌గాడు కించిత్ షా గ్రౌండ్‌లో అంద‌రూ చూస్తుండ‌గానే త‌న గ‌ర్ల్‌ఫ్రెండ్‌కు ప్ర‌పోజ్ చేశాడు. మోకాళ్ల‌పై కూర్చొని ఆమెకు రింగ్ తొడిగాడు. దీంతో ఆమె ఫిదా అయిపోయింది. ఈ వీడియో ఇప్పుడు సోష‌ల్‌మీడియాలో వైర‌ల్‌గా మారింది. మ్యాచ్ ఓడిన‌ప్ప‌టికీ ప్రేమ‌ను గెలిచాడు అంటూ కామెంట్స్ చేస్తున్నారు.