దుల్కర్ సల్మాన్ హీరోగా మృణాల్ ఠాకూర్ హీరోయిన్‌గా హను రాఘవపూడి తెరకెక్కిస్తున్న మూవీ ‘సీతారామం’. నేషనల్ క్రష్ రష్మిక ప్రధాన పాత్రలో నటిస్తున్న ఈ సినిమాపై మంచి అంచనాలే ఉన్నాయి. ఇప్పటికే విడుదలైన పాటలన్నీ మంచి హిట్ సాధించాయి. తాజాగా ఈ మూవీ నుంచి మరో సాంగ్ విడుదల చేశారు మేకర్స్. ‘కానున్న కళ్యాణం’ అనే లిరికల్‌ వీడియోను చిత్ర యూనిట్ సోమవారం విడుదల చేసింది. ప్రోమోతో మంచి మార్కులు కొట్టేసిన ఈ సాంగ్.. ఇప్పుడు ప్రేక్షకులను అమితంగా ఆకట్టుకుంటుంది.