ఆనంద్ దేవరకొండ తెలుగు సినిమా నటుడు. టాలీవుడ్ స్టార్ హీరో విజయ్ దేవరకొండ తమ్ముడు. ఆయన 2019లో వచ్చిన దొరసాని సినిమాతో తెరంగేట్రం చేశాడు.ఆనంద్‌ దేవరకొండ 1996లో హైదరాబాదులో గోవర్ధన రావు, మాధవి దంపతులకు జన్మించాడు. ఆయన లిటిల్ ఫ్లవర్ హై స్కూల్‌లో ఉన్నత విద్య పూర్తి చేసి, చికాగోలోని లయోల కాలేజ్ నుండి ఎంఎస్ పూర్తి చేశాడు. అనంతరం కొంతకాలం అక్కడే సాఫ్ట్ వేర్ ఉద్యోగం చేశాడు. ఆనంద్ దేవరకొండ నటించిన బేబీ, పుష్పక విమానం, హైవే, మిడిల్ క్లాస్ మెలోడీస్ వంటి చిత్రాలు గుర్తింపు తెచ్చాయి.