ప్రభాస్, ఓం రౌత్ కాంబినేషన్‌లో తెరకెక్కిన ‘ఆదిపురుష్’ మూవీ నుంచి ఇటీవల విడుదలైన టీజర్‌కు మిశ్రమ స్పందన వస్తుంది. గ్రాఫిక్స్ తేలిపోయిందని, ఇంకా బాగా చేయాల్సి ఉందని కామెంట్స్ వచ్చాయి. తాజాగా దీనిపై NY VFXwalla సంస్థ స్పందించింది. తమకు, ఆదిపురుష్ సినిమాకు సంబంధం లేదని ప్రకటించింది. తాము ఆదిపురుష్ సినిమా VFX పనుల్లో భాగం కాలేదని వెల్లడించింది. కాగా NY VFXwalla బాలీవుడ్ నటుడు అజయ్ దేవగణ్‌కు చెందిన సంస్థ.

పాన్ ఇండియన్ సూపర్ స్టార్ ప్రభాస్ దెబ్బకు యూట్యూబ్ షేక్ అవుతోంది. హిందీలో ఆదిపురుష్ టీజర్ 56 మిలియన్స్ వ్యూస్ సాధించింది. కేవలం 16 గంటల్లోనే ఈ ఘనత సాధించింది. టీజర్‌కు 9.33 లక్షల లైక్స్‌ను క్రాస్ చేసింది. దీంతో ఆదిపురుష్ టీజర్ హిందీలో అత్యధిక వ్యూస్, లైక్స్ సాధించిన టీజర్‌గా రికార్డు సృష్టించింది. ప్రస్తుతం ఈ టీజర్ యూట్యూబ్‌లో నం.1గా ట్రెండ్ అవుతోంది. భారీ బడ్జెట్‌తో తెరకెక్కుతున్న ఈ సినిమా వచ్చే ఏడాది జనవరిలో రిలీజ్ కానుంది.